కర్నూలు (ఆర్‌యూ): పద్మావతి మహిళా యూనివర్సిటీ వైస్‌ చాన్స్‌లర్‌ ప్రొఫెసర్‌ వీరమాచినేని దుర్గా భవాని బుధవారం రాయలసీమ యూనివర్సిటీని సందర్శించారు. ఈ సందర‍్భంగా ఆర్‌యూ అభివృద్ధి పనులను, వర్సిటీ భవనాలను పరిశీలించారు. వర్సిటీలో విద్యార్థులకు ఉచిత వైఫై సౌకర్యం పట్ల సంతృప్తి వ్యక్తం చేశారు. ఆర్‌యూ మాదిరిగా తమ వర్సిటీలో ప్రభుత్వ సంస్థల సహకారంతో భవన నిర్మాణాలు చేపడతామన్నారు. ఈ కార్యక్రమంలో వర్సిటి రిజిస్ట్రార్‌ అమర్‌నాథ్, సిబ్బంది పాల్గొన్నారు.
