కర్నూలు (ఆర్‌యూ) : రాయలసీమ యూనివర్సిటీలో మొబైల్‌ యాప్‌ను వైస్‌ చాన్సలర్‌ వై.నరసింహులు సోమవారం విడుదల చేశారు. ఈ సందర్భంగా ఆయన మాట్లాడుతూ.. వర్సిటీలో ఎంసీఏ రెండో సంవత్సరం చదువుతున్న మహమ్మద్‌ ఇలియాస్‌.. స్పోకన్‌ ఇంగ్లిష్‌ యాప్‌ తయారు చేశారన్నారు. మున్ముందు ఈ యాప్‌ను ఇంకా అభివృద్ధి చేస్తారని చెప్పారు. ఇలియాస్‌కు త్వరలో ల్యాప్‌టాప్‌ను బహుకరిస్తామన్నారు. ఇలియాస్‌ మాట్లాడుతూ.. ఆత్మకూరుకు చెందిన తన తండ్రి బాషా లారీ డ్రైవర్‌ అని, తల్లి కమ్రున్‌బి గృహిణి అన్నారు. తనకు సహకరించిన అధ్యాపకులు రవికుమార్, జేమియాలకు కృతజ్ఞతలు తెలిపారు.
