నేరడిగొండ : మూడో విడత రుణమాఫీ డబ్బులు రైతుల బ్యాంకు ఖాతాల్లో జమకావడంతో ఆయా గ్రామపంచాయతీల వారీగా వారికిచ్చేందుకు తేదీలు ఖరారు చేసినట్లు తెలంగాణ గ్రామీణ బ్యాంకు మేనేజర్‌ ఆశన్న తెలిపారు. బుగ్గారాం గ్రామపంచాయతీ రైతులు ఈ నెల 3వ తేదీ వరకు తీసుకోవచ్చన్నారు. ఒక్కో జీపీకి 3 రోజులపాటు అవకాశం ఇచ్చామన్నారు.4న బోరిగాం, 8న బొందిడి, 11న కొరిటికల్, 17న కుమారి, 20న నేరడిగొండ, 24న రాజురా, 30న రోల్‌మామడ, సెప్టెంబర్‌ 2న తేజాపూర్, 7న తర్నం, 13న వెంకటాపూర్, 16న వాగ్ధారి, 20న వాంకిడి, 26న వడూర్‌ గ్రామపంచాయతీల వారీగా తీసుకెళ్లాలన్నారు. రైతులు ఏటీఎం కార్డుతోపాటూ పాస్‌బుక్‌ తీసుకువస్తే ఏటీఎం సీక్రెట్‌ నంబర్లు తెలియజేస్తామన్నారు. ఈ విషయాన్ని గమనించి ఆయా తేదీల్లో రైతులు బ్యాంకుకు రావాలని సూచించారు.
