కల్హేర్: ఉల్లి మొక్క కాడకు పూసిన పూలు ఇవి. విరబూసిన మల్లె చెండులా కనిపిస్తున్నాయి. కల్హేర్ మండలం మహదేవుపల్లి శివారులో సంగారెడ్డి-నాందేడ్ జాతీయ రహదారి పక్కన వ్యవసాయ పొలంలో రైతు పెంటబోయిన సాయిలు సాగు చేసిన ఉల్లిగడ్డలను తీయకుండా అలాగే విత్తనాల కోసం వదిలిపెట్టాడు. అది కాస్తా ఈ విధంగా పెరిగి పెద్దదై పూలు పూసింది. ఆ పూలే మల్లె పూలను తలపిస్తున్నాయి. విరబూసిన పూలు రహదారిపై నుంచి వెళ్లే వారిని ఎంతగానో ఆకట్టకుంటున్నాయి.
