బైక్ కడగడానికి చెరువుకు వెళ్లి..

7 Aug, 2016 14:12 IST|Sakshi

గన్నవరం(కృష్ణాజిల్లా): బైక్ శుభ్రం చేయడానికి చెరువుకు వెళ్లిన ఇద్దరు విద్యార్థులు ప్రమాదవశాత్తు నీట మునిగి మృతిచెందారు. ఈ సంఘటన కృష్ణాజిల్లా గన్నవరం మండలం మర్లపాలెం చెరువులో ఆదివారం వెలుగుచూసింది. స్థానిక ఎస్సీ కాలనీకి చెందిన మణిబాబు(10), సన్నీ(19) ఇద్దరు కలిసి ద్విచక్రవాహనాన్ని శుభ్రం చేయడానికి చెరువు వద్దకు వెళ్లారు. బైక్ కడిగి పక్కకు పెట్టి స్నానం చేయడానికి చెరువులోకి దిగారు.

ఈ క్రమంలో లోతు ఎక్కువగా ఉండటంతో.. అందులో మునిగిపోయారు. ఇది గుర్తించిన స్థానికులు వారిని రక్షించడానికి యత్నించేలోపే మృతిచెందారు. దీంతో గ్రామంలో విషాదఛాయలు అలుముకున్నాయి.

Read latest District News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా