జయకేతనం

మహబూబ్‌నగర్‌ క్రైం : ఆర్టీసీ గుర్తింపు కార్మిక సంఘం ఎన్నికల్లో  అటూ రాష్ట్రంలో, ఇటూ జిల్లాలో తెలంగాణ మజ్దూర్‌ యూనియన్‌ (టీఎంయూ) విజయకేతనం ఎగురవేసింది. జిల్లాలో ఉన్న 9 డిపోలలో టీఎంయూ జెండా ఎగురవేసి క్లీన్‌స్వీప్‌ చేసింది.  గతంలో ఎప్పుడూ లేని విధంగా చరిత్ర సృష్టించింది. మంగళవారం జిల్లాలో జరిగిన ఆర్టీసీ గుర్తింపు కార్మిక సంఘం ఎన్నికల్లో ఉదయం 5గంటల నుంచి సాయంత్రం 6గంటల వరకు పోలింగ్‌ జరిగింది. రాత్రి 6.30నుంచి కౌటింగ్‌ ప్రారంభం చేసిన అధికారులు 9గంటలకు ఫలితాలు వెల్లడించారు. దీం ట్లో అన్నింటిని టీఎంయూ సొంతం చేసుకుంది. దీంతో జిల్లా వ్యాప్తంగా టీఎంయూ నాయకులు డిపోల ఎదుట సంబరాలు జరుపుకున్నారు.