ముహూర్తం కుదిరిందా?

29 Jul, 2019 00:58 IST|Sakshi

అల్లు అర్జున్‌ 

అల్లు అర్జున్‌ తన తర్వాతి సినిమాకి కొబ్బరికాయ కొట్టడానికి ముహూర్తం ఫిక్స్‌ చేశారా? అంటే అవుననే అంటున్నాయి ఫిల్మ్‌నగర్‌ వర్గాలు. త్రివిక్రమ్‌ దర్శకత్వంలో తెరకెక్కుతున్న సినిమాలో నటిస్తూ బిజీగా ఉన్నారు అల్లు అర్జున్‌. సంక్రాంతికి ఈ చిత్రం విడుదల కానుంది. ఈ సినిమా తర్వాత సుకుమార్‌ దర్శకత్వంలో అల్లు అర్జున్‌ హీరోగా ఓ సినిమా తెరకెక్కనున్న సంగతి తెలిసిందే. ఈ సినిమా ఈ ఏడాది దసరా సందర్భంగా ప్రారంభం కానుందని టాక్‌. నవంబర్‌లో రెగ్యులర్‌ షూటింగ్‌ స్టార్ట్‌ చేస్తారట. ఈ సినిమాలో రష్మికా మండన్నా కథానాయికగా నటించనున్నారు. మైత్రీమూవీ మేకర్స్‌ పతాకంపై నవీన్‌ ఎర్నేనీ, వై. రవిశంకర్, మోహన్‌ చెరుకూరి నిర్మించనున్నారు. ‘ఆర్య, ఆర్య 2’ సినిమాల తర్వాత సుకుమార్‌–అల్లు అర్జున్‌ కాంబినేషన్లో రానున్న ఈ సినిమాపై అభిమానుల్లో అంచనాలున్నాయి. అల్లుఅర్జున్‌ కెరీర్‌లో ఇది 20వ చిత్రం కావడం విశేషం. అలాగే వేణు శ్రీరామ్‌ దర్శకత్వంలోనూ అల్లుఅర్జున్‌ హీరోగా ఓ సినిమా తెరకెక్కనున్న సంగతి తెలిసిందే. 

మరిన్ని వార్తలు