ఇది సెల్ఫీల కాలం. ఎప్పటికప్పుడు మిత్రులతో, రకరకాల హావభావాలతో ఫొటోలు తీసుకుంటూంటాం. చూసుకుంటూ ఉంటాము కూడా. ఫోన్‌లో పదిలంగా ఉండే ఈ ఫొటోలను ప్రింట్ చేసుకోవాలంటే మాత్రం షాపుకు వెళ్లాల్సిందే. ఈ అవసరం లేకుండా చేస్తోంది... ఫొటోలో కనిపిస్తున్న ప్రింట్ .
మొబైల్ ఫోన్ కేస్ మాదిరిగా ఉండే ఈ సరికొత్త గాడ్జెట్ మీరు తీసే సెల్పీలతోపాటు అయిదు నుంచి పది సెకన్ల వీడియోలను కూడా విశ్లేషించి, అందమైన స్టిల్స్‌ను ఎంపిక చేసి ప్రింట్ చేయగలదు. ప్రస్తుతానికి ఐఫోన్ 5, 6లతోపాటు శామ్‌సంగ్ ఎస్4, ఎస్5 మోడళ్లతో మాత్రమే పనిచేసే ఈ గాడ్జెట్ ఖరీదు దాదాపు 6000 రూపాయలు.
