నా కూతురి కేసులో అసలు తీర్పే రాలేదు

7 Dec, 2019 02:15 IST|Sakshi
ప్రత్యూష తల్లి సరోజినీదేవి

పదిహేడేళ్లుగా ప్రత్యూష తల్లి

ప్రత్యూష ఉదంతం 2002, ఫిబ్రవరిలో జరిగింది. పదిహేడేళ్లు పూర్తయ్యాయి. న్యాయం కోసం పోరాటం సాగుతూనే ఉంది. న్యాయం ఎప్పటికి వస్తుందో తెలియదు. కేసు సుప్రీం కోర్టులో డబుల్‌ బెంచ్‌లో ఉంది. ఈ ఏడాది మేలో ఒకసారి బెంచ్‌ మీదకు వచ్చింది. నిందితుడు సిద్ధార్థ రెడ్డి తరఫు న్యాయవాది మరణించడంతో మరికొంత జాప్యం చోటు చేసుకుంది. మళ్లీ టేబుల్‌ మీదకు ఎప్పుడు వస్తుందోనని ప్రత్యూష తల్లి సరోజినీ దేవి ఎదురు చూస్తున్నారు. ‘దిశ’ నిందితుల ఎన్‌కౌంటర్‌ నేపథ్యంలో ‘సాక్షి’ ఆమెను పలకరించింది.

‘‘దిశ సంఘటనలో చోటు చేసుకున్న పరిణామాలు చూసినప్పుడు కడుపుకోతకు గురైన మాలాంటి తల్లులకు మాత్రం ఇదే సరైంది... అనిపిస్తుంది. ‘దుష్ట శిక్షణ జరిగింది’ అనే భావన మహిళలకు మనోనిబ్బరాన్నిచ్చింది కూడా. కానీ శిక్ష ఎప్పుడూ న్యాయపరిధిలోనే ఉండాలి. ఇలాంటి కేసుల్లో శిక్ష ఎప్పుడూ కఠినంగానే ఉండాలి. మరొకరు నేరానికి పాల్పడేటప్పుడు శిక్ష గుర్తుకు వచ్చి భయపడేలా ఉండాలి. దిశ సంఘటన జరిగిన ఈ కొద్ది రోజుల్లోనే నిందితులు సమాధి అవుతున్నారు. ఆమె ఆత్మ శాంతించి ఉంటుంది. అలాంటి శాంతి ప్రత్యూష ఆత్మకు ఎప్పుడు కలుగుతుందో ఏమో? నిర్భయ కేసులో న్యాయస్థానం సత్వరం స్పందించి తీర్పునిచ్చింది. కానీ ఆ తీర్పును అమలు చేయడంలో జాప్యం చేస్తోంది.

ప్రత్యూష కేసులో ఇంకా తుది తీర్పు వెలువడనే లేదు. ఎప్పుడైనా సరే... ఒక ఆడపిల్ల విషయంలో... అది కూడా అత్యాచారం హత్య జరిగినప్పుడు న్యాయస్థానాలు వీలయినంత త్వరగా విచారణ పూర్తి చేసి తీర్పునివ్వాలి. ఆలస్యం జరిగే కొద్దీ కేసు తీవ్రత తగ్గిపోతుంటుంది. కేసు పలుచబడిపోతుంటుంది. అవకాశవాదుల చేతుల్లో సాక్ష్యాలు తారుమారయిపోతుంటాయి. దాంతో శిక్షలు నామమాత్రంగా మారిపోతుంటాయి. సిద్ధార్థ కేసులో కూడా ఒక కోర్టు విధించిన శిక్షను∙మరొక కోర్టు తగ్గించింది. విచారణ ఆలస్యం జరగడం కూడా ఇందుకు ఒక కారణమే. తొమ్మిది నెలల పాపాయి మీద అత్యాచారం చేసిన నిందితుడికి ఒక కోర్టు మరణ శిక్ష విధిస్తే, పై కోర్టు ఆ శిక్షను సవరించి జీవితఖైదుగా మార్చింది.

ఈ సందర్భంగా నాది మరొక విన్నపం. ఆడపిల్లలకు అన్యాయం జరిగిన కేసుల విషయంలో న్యాయవాదులు స్వీయ నియంత్రణ పాటించాలి. అమ్మాయి మీద అత్యాచారం జరిగిందనేది వాస్తవం, హత్య జరిగిందనేది వాస్తవం. నిందితుల తరఫున వాదిస్తూ రెండు వాస్తవాలను అవాస్తవాలుగా నమ్మించే ప్రయత్నం చేసే ముందు దయచేసి ఒక్కసారి ఆలోచించండి. న్యాయవాదులందరూ కలిసి మన చట్టాలను పటిష్టం చేయడానికి ప్రయత్నం చేయండి. అలాగే మాలాంటి బాధిత కుటుంబాలకు న్యాయపోరాటంలో ప్రభుత్వం కూడా అండగా ఉండాలి. బలవంతులతో న్యాయపోరాటం చేయాల్సి వచ్చినప్పుడు బలహీనులు అడుగడుగునా ఎదురీదాల్సి వస్తోంది. అందుకు నేనే ఉదాహరణ’’.
 



 

Read latest Family News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు

నా కూతుర్ని చంపిన వాళ్లింకా బతికే ఉన్నారు

ఇలా తింటే వ్యాధులు దూరం..

పట్టుచీరకు రాయల్‌ టచ్‌

పండ్లు, పాలు వద్దని మారాం చేస్తున్నారా?

భయమెరగని బామ్మ

కౌల్‌ స్టైల్‌ ట్యూనిక్‌... యూనిక్‌

చెట్టుకు చొక్కా

ఆవేదన లోంచి ఓ ఆలోచన

ఒడిదుడుకులు తట్టుకుంటేనే విజయం సాధిస్తాం

తోబుట్టువుల తీర్పు

మల్టిపుల్‌ ప్రయోజనాల మల్టీ గ్రెయిన్‌ ఆటా

సోరియాసిస్‌ తగ్గి తీరుతుంది

నైట్‌షిఫ్టులో పని చేస్తున్నారా?

రాజుగారు ఇంటికొచ్చారు

ఎప్పుడూ యంగ్‌ గా

చర్మం పొడిబారుతుంటే...

కుదరకపోయినా ఓ కప్పు

మరే తల్లి, తండ్రికీ ఈ వేదన మిగలకూడదు

కోల్డ్‌ క్రీమ్‌ రాస్తున్నప్పటికీ...

బడికి ప్రేమతో..!

ఆటాడుకుందామా!

అదృష్టాన్ని నిలబెట్టుకోవడమే విజయం

బ్యూటీరియా

ప్రకృతికి ఫ్రెండ్‌

మగపిల్లల్నే హద్దుల్లో పెంచాలి

వేధింపులు చిన్న మాటా!

నేవీకి కళొచ్చింది

ఎనిమిదో అడుగు

శీతాకాలంలో పశువులకు నిల్వ నీళ్లివ్వవద్దు

7న ప్రకృతి వ్యవసాయ పద్ధతిలో మామిడి సాగుపై శిక్షణ

ఆంధ్రప్రదేశ్
తెలంగాణ
సినిమా

ఎన్‌కౌంటర్‌: మంచు లక్ష్మి కామెంట్స్‌

‘డిస్కోరాజా’ టీజర్‌ వచ్చేసింది!

శ్రీ విష్ణు కొత్త సినిమా లాంచ్‌..

‘మిస్‌ మ్యాచ్‌’మూవీ ఎలా ఉందంటే?

అదే మాట నేనంటే శాసనం: బాలయ్య

లాస్‌ ఏంజెల్స్‌ వీధుల్లో కింగ్‌ ఖాన్‌