పాతపట్టు కొత్తకట్టు

3 Feb, 2017 15:02 IST|Sakshi

పాతకాలం నాటి డిజైన్లే కొత్త పట్టు చీరలకు నిండుతనాన్ని తెస్తున్నాయి. అందమైన కనికట్టు చేసేస్తున్నాయి.

చీర బంగారం లాంటిది ఎంత పాతదైనా! ఎంతో విలువ తెస్తుంది నాయినమ్మ, అమ్మమ్మ ప్రేమలా!! మనవరాళ్లూ గెట్‌ రెడీ! పెళ్ళిళ్ల సీజన్‌లో మీ తడాఖా చూపించండి పాత పట్టుతో కొత్తకట్టు కట్టండి. ఆ కట్టుకోండి.

సాదా సీదా రంగులతోనే అందమైన మాయాజాలం.   అంచెలంచెలుగా అంచులు  అవుతున్నాయి చీరకట్టుకు నజరానాలు.

వెడల్పాటి అంచులే కాదు నిలువెత్తు చెక్స్‌తోనూ చీరలు చూపులను చెక్కేస్తున్నాయి .  కొత్త సింగారాలను అద్దేస్తున్నాయి.

చీర అంచు ఎంత వెడల్పుగా ఉంటే వేడుక అంత వైభవంగా మారుతుంది. నేటి వనితల మేనికి వన్నెలు అద్దే ఘనత పట్టుదే అవుతుంది.

హాయి గొలిపే రంగులు.. వెడల్పాటి అంచులు, అంచుల్లో జరీ చేసే జిలుగులు. వేడుకలో ప్రత్యేకతను చాటడానికి సిద్ధం అంటున్నాయి.
 

మరిన్ని వార్తలు