రెండు ఆత్మల సంభాషణ

3 Jun, 2019 00:02 IST|Sakshi

కొత్త బంగారం

అమెరికా, కొలరాడోలో ఉన్న హోల్ట్‌ అన్న ఊళ్ళో– సెడర్‌ స్ట్రీట్‌లో యేడీ, లూయిస్‌ ఎదురుబొదురు ఇళ్ళలో ఉంటారు. ఇద్దరూ 70ల్లో ఉన్నవారు. జీవిత భాగస్వాములని కోల్పోయినవారు. ఎన్నో ఏళ్ళగా అక్కడే ఉన్న వారిద్దరూ కేవలం పరిచయస్థులు. స్నేహితులు కారు. యేడీ కొడుకూ, లూయిస్‌ కూతురూ వేరే ఊళ్ళల్లో ఉంటారు.

ఒకరోజు యేడీ, లూయీస్‌ ఇంటికి వచ్చి ‘మనిద్దరం ఎంతోకాలంగా ఒంటరిగానే గడుపుతున్నాం. రోజైతే ఎలాగో గడిచిపోతుంది. రాత్రుళ్ళు గడవడమే కష్టం. మనం పక్కపక్కన పడుకుని కబుర్లు చెప్పుకుంటుంటే నిద్ర పడుతుంది. భౌతిక సంబంధం కోసం అడగడం లేదు. నా లైంగికేచ్ఛ ఎప్పుడో పోయింది’ అంటుంది. ఆమె కేవలం ‘తోడు’ కోసమే చూస్తోందని అర్థం చేసుకున్న లూయీస్‌ ఆశ్చర్యపడినప్పటికీ, ఆ ప్రతిపాదనని అంగీకరిస్తాడు.

అతను మొదటిసారి యేడీ ఇంటి వెనక ద్వారం నుండి లోపలికి వస్తాడు. ‘ఎవరేమనుకున్నా నేను పట్టించుకోనని నిర్ణయించుకున్నాను. జీవితాంతం పట్టించుకుంటూనే ఉన్నాను. ఇకముందు కాదు. నీవు యీ సందునుండి వస్తే, మనమేదో తప్పు చేస్తున్నామనిపిస్తుంది’ అని యేడీ చెప్పిన తరువాత ముఖద్వారం నుండే రావడం ప్రారంభిస్తాడు లూయిస్‌.

వారి మధ్య స్నేహం, సాహచర్యం ఏర్పడుతూ ఉండగా– కోల్పోయిన తమవారి గురించీ, తాము చేసిన తప్పుల గురించీ మాట్లాడుకుంటారిద్దరూ. తమ గతాలనూ, సుఖదు:ఖాలనూ పంచుకుంటూ– వయస్సు పైబడిన ఏకాకులిద్దరూ ఓదార్పు పొందుతారు. అయితే, ఆ చిన్న ఊరి నివాసులు చెవులు కొరుక్కుంటారు. స్నేహితులు వారి మొహంమీదే వారి సంబంధం గురించి ఆటపట్టిస్తారు.
యేడీ కొడుకు జీన్‌ను అతని భార్య విడిచిపెట్టినప్పుడు, ఆరేళ్ళ తన కొడుకు జేమీని తల్లి వద్ద వేసవి సెలవులు గడపటానికి దింపుతాడు జీన్‌. తనకు వారసత్వంగా రావల్సిన తల్లి డబ్బుకోసమే లూయీస్‌ తల్లిని మభ్యపెడుతున్నాడనుకుని లూయీస్‌ను ఏవగించుకుంటాడు. 

‘నాన్నా, నీకు యేడీ అంటే ఇంతిష్టం అని తెలియదు. యీ వయస్సులో నీకు తోడు దొరికినందుకు సంతోషంగా ఉంది. ఎవరేమనుకుంటే నీకేమిటి!’ అని, లూయీస్‌ కూతురు మాత్రం తండ్రిని సమర్థిస్తుంది. 
జేమీతో అనుబంధం పెంచుకున్న లూయీస్‌ ‘జేమీకి ఒక కుక్క అవసరం. మనిద్దరి ముసలాళ్లతోనూ, ఫోన్లో ఆటలతోనూ ఎంతసేపని గడపగలడు!’ అంటూ కుక్కను తెస్తాడు. ఇద్దరూ జేమీని క్యాంపింగ్‌కీ, రెస్టరెంట్లకూ తీసుకెళ్తుంటారు.

జీన్, భార్యా రాజీపడి– ఒకటైన తరువాత, జీన్‌ కొడుకును తీసుకుపోతాడు. తల్లి లూయీస్‌తో తెగదెంపులు చేసుకుంటే కానీ జామీని చూడనివ్వనంటాడు. కొడుకు మాటలకు లొంగిపోయి, జేమీని చూడ్డానికి వెళ్ళినప్పుడు యేడీ నడుం ఎముక విరుగుతుంది. మనవడిని రోజూ చూడ్డానికి పక్కనే ఉన్న రిటైర్మెంట్‌ హోమ్లో చేరుతుంది. లూయీస్‌ తన దైనందిన జీవితాన్ని యథావిధిగా కొనసాగించవల్సి వస్తుంది. ఇక తన శరీరం తనకు సహకరించదని అర్థం చేసుకున్న యేడీ ఆఖర్న లూయీస్‌కు ఫోన్‌ చేస్తుంది. తిరిగి క్రమంగా ఫోన్‌ సంభాషణలు మొదలవుతాయి.

ఈ ‘అవర్‌ సౌల్స్‌ ఎట్‌ నైట్‌’లో రచయిత కెంట్‌ హారుఫ్‌ ప్రధానంగా లూయిస్‌ మీదే దృష్టి కేంద్రీకరిస్తారు. డైలాగులకి కొటేషన్‌ మార్క్స్‌ ఉండవు. బాహ్య గౌరవానికి సంబంధించి, మన కుటుంబ సభ్యులకి మనం ఎంతవరకూ బాకీ పడి ఉండాలి? వృద్ధాప్యంలో కూడా మనకిష్టమైన విధంగా జీవించే హక్కు ఉండదా? వర్తమానంలో జీవితాన్ని ఎంతగా మెరుగుపరచుకోగలం? లాంటి ప్రశ్నలను లేవనెత్తుతుంది పుస్తకం. సరళమైన కథాంశమే అనిపించే నవలికలో గంభీరతా కనిపిస్తుంది. 180 పేజీల యీ నవలను, ‘నాఫ్‌’ రచయిత మరణానంతరం 2015లోప్రచురించింది. హారుఫ్‌ కొలరాడోలో జన్మించారు. ఆయన నవలలన్నీ కాల్పనిక ఊరైన హోల్ట్‌నే ఆధారంగా చేసుకుని రాసినవి.  2014లో క్యాన్సర్‌ బారినపడి మరణించారు. ఈ నవల ఆధారంగా భారతీయుడు రితేష్‌ బత్రా దర్శకత్వంలో ఇదే పేరుతో 2017లో సినిమా వచ్చింది.
 - కృష్ణ వేణి 

Read latest Family News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

మల్టీ విటమిన్స్ పనితీరుపై సంచలన సర్వే

గుండె గాయం మాన్పేందుకు కొత్త పరికరం!

పుష్టిని పెంచే సూక్ష్మజీవులు...

మద్యం తాగినప్పుడు అసలేం జరుగుతుందంటే...

పుస్తకాంకితురాలు

ప్రతి మహిళ రుద్రమదేవిగా ఎదగాలి

అమ్మా.. నువ్వే నా డాక్టర్‌

నిర్లవణీకరణకు కొత్త మార్గం!

కార్బన్‌డైయాక్సైడ్‌ను ఆహారంగా మార్చేశారు!

సినిమా టైంలో కలిసిన ‘రోహిత్‌ సహానీ’..

తొలి అమెరికా పెళ్లికొడుకు

బొప్పాయి గుజ్జుతో మేని కాంతి

అభినయ శిల్పం

రోజుకు వెయ్యి లీటర్ల నీటితోనే చేపల సాగు..

'పాడి'తో బతుకు 'పంట'!

సంతృప్తి.. సంతోషం..!

మళ్లీ మురిపి'స్టారు'

‘ప్రేమ’ లేకుండా పోదు

నలుగురు ఓహ్‌ బేబీలు

పక్కింటి ఎండమావి

చీకటికి అలవాటుపడని కళ్లు

పెత్తనం పోయి కర్ర మిగిలింది

ఎత్తయిన సిగ్గరి

యువత. దేశానికి భవిత

బజ్జీ బిర్యానీ.. స్నాకం 'పాకం'

మద్దూరు వడను వదిలేస్తే బాధపడకతప్పదు..

చందమామ నవ్వింది చూడు

ఆఫీస్‌ ఇలా ఉండకూడదు

ప్లాస్టిక్‌ ఇల్లు

సౌరశక్తి ప్లాంట్‌లలో అబూదాబి రికార్డు!

ఆంధ్రప్రదేశ్
తెలంగాణ
సినిమా

ఘోర రోడ్డు ప్రమాదం : బాలనటుడు దుర్మరణం 

గర్భంతో ఉన్న చిత్రాలను విడుదల చేసిన శ్రుతి

నాన్నకు ప్రేమతో మిస్సయ్యాను

ఎక్కడైనా ఒకేలా ఉంటా

అడ్డంకులు మాయం!

కుశాలీ ఖుషీ