ఆడపిల్ల చేతిని పిడికిలిగా మార్చాలి

18 Jun, 2019 08:25 IST|Sakshi
విద్యార్థినులకు ఆత్మరక్షణ మెళకువలు నేర్పుతున్న సాయెదా ఫలక్‌ 

ఆడపిల్లకు పాఠశాల విద్యతో పాటు ఆత్మరక్షణ విద్య కూడా తెలిసి ఉండాలి. ఇబ్బంది పెట్టే పురుషుణ్ణి ముఖాన్ని ఈడ్చి తన్నే టెక్నిక్‌ తెలిసి ఉండాలి. హైదరాబాద్‌కు చెందిన కరాటే ఫైటర్‌ సాయెదా ఫలక్‌ తనకొచ్చిన విద్యను విద్యార్థినులకు నేర్పిస్తున్నారు. వారి చేతులకు బలాన్నిస్తున్నారు.

సాయెదా ఫలక్‌ హైదరాబాద్‌ పాతబస్తీలో స్కూల్లో చదువుతున్నప్పుడు ఆమె అక్క కూడా అదే స్కూల్‌లో అథ్లెట్‌గా ప్రాక్టీసు చేసేది. స్కూల్‌ అయ్యాక అక్క కోసం గ్రౌండ్‌లో గంట సేపు కూచోవాల్సి వచ్చేది సాయెదాకు. ఆ టైమ్‌లోనే ఆమెకు అదే గ్రౌండ్‌లో కొంత మంది అబ్బాయిలు ప్రాక్టీసు చేస్తున్న కరాటే మీదకు దృష్టి పోయింది. ఊరికే కూచుని టైమ్‌ వేస్ట్‌ చేసే బదులు కరాటే నేర్చుకోవచ్చు కదా అనుకుంది. అప్పుడు సాయెదా ఏడవ క్లాసు. ఇంటికొచ్చి ఆ సంగతి చెప్తే ‘కరాటేనా?’ అని తల్లిదండ్రులు ఆశ్చర్యపోయారు. అయితే ఇంట్లో నానమ్మ కరాటే గురించి విని, దానికై ధరించే దుస్తులు నిండుగా ఉంటాయని తెలుసుకుని అనుమతి ఇచ్చింది. తల్లిదండ్రులు కూడా సరే అన్నారు. అలా సాయెదా కరాటే నేర్చుకోవడం మొదలెట్టింది.

కాని కొద్ది రోజుల్లోనే స్కూల్‌ ఛాంపియన్‌ అయ్యింది. ఆ తర్వాత హైదరాబాద్‌ ఛాంపియన్‌ అయ్యింది. మెల్లగా జాతీయ అంతర్జాతీయ స్థాయి కరాటే ఛాంపియన్‌ అయ్యింది. అమెరికాలో 36 దేశాలు పాల్గొనే యు.ఎస్‌.ఓపెన్‌ కరాటే ఛాంపియన్‌షిప్‌లో 56 కేజీల విభాగంలో సాయెదా గోల్డ్‌ మెడల్‌ సాధించి మన దేశపతకాన్ని అక్కడ రెపరెపలాడించింది. దాదాపు 18 అంతర్జాతీయ, 21 దేశీయ ఛాంపియన్‌ షిప్‌లలో పాల్గొన్న సాయెదా తెచ్చిన గోల్డ్‌ మెడల్స్‌ వల్ల ‘గోల్డెన్‌గర్ల్‌’ అని స్థానికుల చేత బిరుదు పొందింది. అయితే తనకొచ్చిన విద్యను తన ఖ్యాతి కోసం కీర్తి కోసం తన వద్దే ఉంచుకోదలుచుకోలేదు సాయెదా. ఆడపిల్లలకు రక్షణ లేకుండా పోతున్న నేటి పరిస్థితుల్లో ఆడపిల్లలకు ఆత్మరక్షణ విద్యగా కరాటే టెక్నిక్స్‌ నేర్పించడానికి ప్రయత్నిస్తోంది. ఈ వేసవిలో ఆమె హైదరాబాద్, తెలంగాణలో ఉన్న ప్రభుత్వ మైనారిటీ రెసిడెన్షియల్‌ స్కూళ్లలోని బాలికలకు కరాటే టెక్నిక్స్‌ నేర్పించింది. అంతే కాదు తెలంగాణ పోలీస్‌ శాఖ షీ టీమ్‌ విభాగం కోసం స్త్రీ ఆత్మరక్షణ కోసం పాటించాల్సిన ఆత్మరక్షణ విధానాలను వీడియో చేసి విడుదల చేసింది.

దారిన వెళుతున్నప్పుడు ఆకతాయిలే కాదు అయినవారు కూడా ఒక్కోసారి దాడికి తెగబడవచ్చు. కర్రతో కొట్టడానికి వచ్చినప్పుడు, జుట్టు పట్టుకొని కొట్టాలని చూసినప్పుడు, వెనుక నుంచి పట్టుకున్నప్పుడు, ముందు నుంచి పట్టుకోవాలనుకున్నప్పుడు, కత్తి పట్టుకొని వచ్చినప్పుడు, చేతిలో ఉన్న బ్యాగ్‌ను లాక్కుని వెళ్లిపోవాలనుకున్నప్పుడు ఎటువంటి టెక్నిక్స్‌ వాడాలో సాయెదా తన ట్రైనింగ్‌లో విద్యార్థినులకు నేర్పుతోంది.

తెలంగాణ రాష్ట్రం నుంచే కాదు, ముస్లిం సమాజం నుంచి కూడా ఒక అమ్మాయి ఇలా పోరాట విద్యలో ఈ స్థాయికి ఎదగడం ఇదే మొదటిసారి. అందుకే సాయెదాకు ప్రశంస లభిస్తోంది. ఆమె చేయాలనుకుంటున్న సమాజ సేవకు మద్దతు దొరుకుతోంది.

Read latest Family News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

రోజుకు వెయ్యి లీటర్ల నీటితోనే చేపల సాగు..

'పాడి'తో బతుకు 'పంట'!

సంతృప్తి.. సంతోషం..!

మళ్లీ మురిపి'స్టారు'

‘ప్రేమ’ లేకుండా పోదు

నలుగురు ఓహ్‌ బేబీలు

పక్కింటి ఎండమావి

చీకటికి అలవాటుపడని కళ్లు

పెత్తనం పోయి కర్ర మిగిలింది

ఎత్తయిన సిగ్గరి

యువత. దేశానికి భవిత

బజ్జీ బిర్యానీ.. స్నాకం 'పాకం'

మద్దూరు వడను వదిలేస్తే బాధపడకతప్పదు..

చందమామ నవ్వింది చూడు

ఆఫీస్‌ ఇలా ఉండకూడదు

ప్లాస్టిక్‌ ఇల్లు

సౌరశక్తి ప్లాంట్‌లలో అబూదాబి రికార్డు!

మ్యావ్‌ మ్యావ్‌... ఏమైపోయావ్‌!

మా అమ్మపై ఇన్ని పుకార్లా

చక్కెర చాయ్‌తో క్యాన్సర్‌!

చిన్నారుల కంటి జబ్బులకు చికిత్సాహారం

మేము సైతం అంటున్న యాంకర్లు...

ఒత్తిడి... వంద రోగాల పెట్టు

చేతులకు పాకుతున్న మెడనొప్పి... పరిష్కారం చెప్పండి

మేనత్త పోలిక చిక్కింది

ఆ టీతో యాంగ్జైటీ మటుమాయం

టెడ్డీబేర్‌తో సరదాగా ఓరోజు...!

వినియోగదారుల అక్కయ్య

‘జర్నలిస్ట్‌ కావాలనుకున్నా’

సోపు.. షాంపూ.. షవర్‌ జెల్‌..అన్నీ ఇంట్లోనే!

ఆంధ్రప్రదేశ్
తెలంగాణ
సినిమా

‘బిగ్‌ బాస్‌’పై మరో వివాదం

టాక్‌ బాగున్నా.. కలెక్షన్లు వీక్‌!

 ఆ హీరోయిన్‌కు సైబర్‌ షాక్‌

మూడు నెలల అనంతరం రిజెక్ట్‌ చేశారు..

కంగనా రనౌత్‌కు ‘మెంటలా’!

డ‌బ్బింగ్ కార్యక్రమాల్లో ‘మ‌న్మథుడు 2’