గత ఆగస్ట్లో మాతృత్వపు ఆనందం పొందిన ప్రముఖ సింగర్ క్రిస్టీనా అగిలేరా పుత్రికోత్సాహంతో పొంగిపోతోంది. ఐదు నెలలు నిండిన తన బుజ్జాయి ఫొటోను ట్విట్టర్లో పోస్ట్ చేసింది. ‘ఈ ప్రపంచాన్ని జయించడానికి మా చిట్టితల్లి వస్తోంది’ అంటూ దానికి క్యాప్షన్ కూడా జత చేసింది. ఫొటోలో పింక్ కలర్ డ్రెస్లో అంబాడుతున్న జూనియర్ క్రిస్టీనా ముఖం కనిపించకున్నా.. ముద్దుగానే కనిపిస్తోంది.
