డాటా స్టోరింగ్, షేరింగ్‌కు ‘గూగుల్ డ్రైవ్’

కంప్యూటర్‌తో సహవాసాన్ని సౌకర్యవంతం చేయడమే లక్ష్యంగా ఉన్న సదుపాయాల్లో గూగుల్ ప్రోడక్ట్స్ ముఖ్యమైనవి. అలాంటి గూగుల్ ప్రోడక్ట్స్‌లో ఒకటి గూగుల్ డ్రైవ్. దాదాపు ఏడాది కిందట మొదలైన ఈ సర్వీస్‌ను ఇప్పుడు15 జీబీ స్థాయికి విస్తరించారు. కంప్యూటర్, ఐఫోన్, ఆండ్రాయిడ్‌లపై నడిచే ఈ క్లౌడ్ షేరింగ్ అప్లికేషన్ ద్వారా 15 జీబీ డాటాను దాచుకోవడానికి అవకాశం ఉంది. పీసీలో, స్మార్ట్‌ఫోన్‌లో పెద్ద పరిమాణంలోని డాటాను స్టోర్ చేసుకోవడానికి అవకాశం లేనప్పుడు ఇది చాలా సదుపాయంగా నిలుస్తుంది. 15 జీబీకి మించిన డాటా విషయంలో మాత్రం నెలవారీ చెల్లింపుల ద్వారా గూగుల్ డ్రైవ్‌ను వాడుకోవడానికి అవకాశం ఉంది.