చాలామందికి తమ ఇళ్లల్లోనూ ఓ చిన్న కొలనులాంటిది ఉంటే బాగుంటుందనే ఆశ ఉంటుంది. కానీ స్థలం లేకో, కొలను కోసం నేలను తవ్వించే తీరిక లేకో.. ఆ ఆశను నిరాశగా మార్చుకుంటారు. ఇకపై అలాంటి చింతలేమీ పెట్టుకోకండి. ఒక లారీ లేక ట్రాక్టర్ టైర్‌ను సంపాదిస్తే చాలు. మీ ఇంట్లో అందమైన బుల్లి కొలను ఉన్నట్టే. ఎలా అంటారా? ఇలాగే..
ముందుగా ఓ టైరును మీ ఇంటి పెరట్లో పెట్టండి. ఆపైన ఫొటోలో కనిపిస్తున్న విధంగా టైర్ పైన భాగాన్ని ఎలక్ట్రిక్ సా (విద్యుత్ రంపం) సాయంతో కట్ చేసుకోవాలి. తర్వాత దాన్ని పూర్తిగా ఓ దళసరి కవర్‌తో చుట్టాలి. ఆపైన టైర్ చుట్టూ ఫొటోలో కనిపిస్తున్న విధంగా మట్టితో కప్పేయాలి. ఆ మట్టిపై చిన్న చిన్న రాళ్లతో అలంకరించి, అందులో ఇప్పుడు నీళ్లు పోయాలి. అందులో ప్లాస్టిక్ పూలు వేసి, చుట్టూ పూల మొక్కలు, పక్షుల బొమ్మలు పెట్టి అలంకరించొచ్చు. అలాగే దాని పక్కన మరో రెండుమూడు చిన్న కొలనులూ తయారు చేసుకోవచ్చు.
