ఈనెల 9వరకే తెలంగాణ అసెంబ్లీ సమావేశాలు

6 Oct, 2015 11:10 IST|Sakshi

హైదరాబాద్ : తెలంగాణ శాసనసభ సమావేశాల్లో ఒకరోజు కోత పడింది. ఈ నెల 9వ తేదీ వరకే సమావేశాలు జరగనున్నాయి. దీంతో ఒకరోజు ముందుగానే సమావేశాలు ముగియనున్నాయి. షెడ్యూల్ ప్రకారం తెలంగాణ రాష్ట్ర అసెంబ్లీ సమావేశాలు అక్టోబర్ 10 వరకు నిర్వహించాలని ప్రభుత్వం నిర్ణయించిన విషయం తెలిసిందే.

 

అయితే రైతు రుణమాఫీ తక్షణమే అమలు చేయాలని ప్రతిపక్షాలు డిమాండ్ చేస్తూ ఈనెల 9 వరకు గడువు ఇస్తున్నామని, ఆలోపు ప్రభుత్వం అనుకూలంగా స్పందించకపోతే 10వ తేదీ తెలంగాణ బంద్‌కు పిలుపునిచ్చాయి. ఈ నేపథ్యంలో తెలంగాణ అసెంబ్లీ సమావేశాలు కుదింపు ప్రాధాన్యత సంతరించుకుంది.
 

మరిన్ని వార్తలు