బెటాలియన్లలో ప్రక్షాళన...

6 May, 2018 01:08 IST|Sakshi

అవినీతి కార్యక్రమాలపై పోలీస్‌ శాఖ ఆగ్రహం

ఓ కమాండెంట్‌ను కాపాడేందుకు రంగంలోకి సీనియర్‌ ఐపీఎస్‌

బీడబ్ల్యూవోలను పూర్తిగా మార్చనున్న బెటాలియన్‌ విభాగం

‘సాక్షి’ కథనాలతో బెటాలియన్‌లో కలవరం  

సాక్షి, హైదరాబాద్‌: పోలీస్‌ శాఖలో కీలకంగా వ్యవహరించే బెటాలియన్ల విభాగంలో ప్రక్షాళనపై ఆ శాఖ ఉన్నతాధికారులు దృష్టి సారించారు. యూసఫ్‌గూడ మొదటి బెటాలియన్‌లో సంక్షేమ నిధుల స్వాహా వ్యవహారం వెలుగులోకి వచ్చిన తర్వాత.. మరో బెటాలియన్‌లో బియ్యం స్కాం బయటపడినట్లు తెలిసింది.

దీంతో అన్ని బెటాలియన్లలో అసలు ఏం జరుగుతోంది, అధికారులు ఏం చేస్తున్నారు, ఇంతటి నిర్లక్ష్యం ఏంటని.. ఉన్నతాధికారులు ఆగ్రహంగా ఉన్నట్టు తెలుస్తోంది. దీంతో అన్ని బెటాలియన్లను పూర్తిస్థాయిలో ప్రక్షాళన చేయాలని శాఖ నిర్ణయించింది. ఇప్పటికే ఈ కుంభకోణాలపై ‘సాక్షి’దినపత్రిక ప్రచురిస్తున్న కథనాలు బెటాలియన్లలో సంచలనం సృష్టిస్తున్నాయి. దీనికి తగ్గట్టు అధికారుల అవినీతి బాగోతాలపై అందుతున్న వరుస ఫిర్యాదులు ఉన్నతాధికారులను ఉక్కిరిబిక్కిరి చేస్తున్నాయి.

ఎంటీవోల అటాచ్‌మెంట్‌ రద్దు..
బెటాలియన్లలో మోటార్‌ ట్రాన్స్‌పోర్టు అధికారి (ఎంటీవో)గా అటాచ్‌మెంట్‌పై పనిచేస్తున్న కొంతమందిని మాతృ యూనిట్లకు బెటాలియన్‌ ఐజీ పంపించినట్టు తెలిసింది. వరుస కుంభకోణాలు వెలుగులోకి రావడం, పైరవీలు చేసి ఎంటీవోలుగా బెటాలియన్‌కు వచ్చిన వారిపై దృష్టి సారించినట్లు తెలిసింది.

ఇదే రీతిలో వచ్చి ఏళ్లపాటు బీడబ్ల్యూవో (బెటాలియన్‌ వెల్ఫేర్‌ ఆఫీసర్‌)లుగా ఉన్న వారిని సైతం మార్పు చేయాలని ఉన్నతాధికారులు నిర్ణయించారు. దీనిలో భాగంగా 5 బెటాలియన్లలో పనిచేస్తున్న బీడబ్ల్యూవోలపై అంతర్గత విచారణ కమిటీ ఏర్పాటు చేసినట్టు పోలీస్‌ వర్గాల ద్వారా తెలిసింది.  

వారిని కాపాడటమేంటి?
కొంతమంది బెటాలియన్‌ కమాండెంట్ల తీరుపై యావత్‌ సిబ్బంది తీవ్ర అసహనంగా ఉన్నారు. అయితే కమాండెంట్ల నిర్లక్ష్యం వల్లే కుంభకోణాలు బయటపడుతున్నాయని శాఖకు ఫిర్యాదులు అందాయి. వీటిపై విచారణ చేస్తుండగా కీలకమైన బెటాలియన్‌కు చెందిన ఓ కమాండెంట్‌ను రక్షించేందుకు సీనియర్‌ ఐపీఎస్‌ అధికారి ఒకరు రంగంలోకి దిగినట్టు బెటాలియన్ల సిబ్బంది చర్చించుకుంటున్నారు.

గతంలో ఆయన పదోన్నతి, పోస్టింగ్‌ విషయంలో హడావుడి సృష్టించి తనకు కావాల్సిన పోస్టింగ్‌ తెచ్చుకున్న ఆయన.. ఇప్పుడు మళ్లీ తనపై ఎలాంటి విచారణ లేకుండా చేసుకునేందుకు సీనియర్‌ ఐపీఎస్‌ తలుపు తట్టినట్లు చర్చ జరుగుతోంది. సీనియర్‌ ఐపీఎస్‌ అధికారి తన వెంట ఉన్నంత వరకు తనను ఎవరూ ఏం చేయలేరని ఏకంగా కిందిస్థాయి సిబ్బందికి ఆ కమాండెంట్‌ వార్నింగ్‌ సైతం ఇచ్చినట్లు విశ్వసనీయంగా తెలిసింది.

మరో ముగ్గురు కమాండెంట్లపై గతంలో నుంచే అవినీతి ఆరోపణలు ఉండటంతో వారిపై వేటు తప్పదన్న అభిప్రాయం వినిపిస్తోంది. కుంభకోణాలకు పాల్పడ్డ అధికారులకు చెక్‌ పెట్టకపోతే 1983 కర్నూలు తిరుగుబాటు, 2012లో హైదరాబాద్‌లో జరిగిన తిరుగుబాటును ఎదుర్కోక తప్పదని సిబ్బంది తేల్చిచెప్తున్నారు.

Read latest Hyderabad News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి

Load Comments
Hide Comments
మరిన్ని వార్తలు

చదువుకు చలో అమెరికా

గ్రహం అనుగ్రహం (19-11-2019)

జ్వరం మింగిన మాత్రలు ఏడున్నర కోట్లు

‘మెడికల్‌ కాలేజీలుగా మార్చండి’

30న నివేదిక!

మద్యం ధరలు పెంపు?

ఒకే ఇంజనీరింగ్‌ ఎంట్రన్స్‌!

సీఎం మొండివైఖరి విడనాడాలి: సురవరం

ఆర్టీసీ సమ్మె.. లేబర్‌ కోర్టే తేలుస్తుంది

చంద్రబాబుకు ఏసీబీ కోర్టు షాక్‌

ఆర్టీసీ సమ్మెకు మద్దతుగా యూత్‌ కాంగ్రెస్‌ ర్యాలీలు

పాక్‌లోకి అక్రమంగా ప్రవేశించిన హైదరాబాదీ

4 మినార్లు..5 సంవత్సరాలు

సమ్మెపై ఆర్టీసీ జేఏసీ కీలక నిర్ణయం

మైదానంలో క్రికెట్‌ ఆడుతూ.. కుప్పకూలాడు!

జీడిమెట్ల పారిశ్రామికవాడలో పేలుడు!

లేబర్‌ కోర్టుకు ఆర్టీసీ సమ్మె!

‘చేయి దాటిపోయింది.. చర్చలు జరపలేం’

గొడవ చేయొద్దన్నందుకు.. దారుణంగా హత్య

గోషామహల్‌లో నిరుపయోగ వస్తువుల వేలం

రాష్ట్రవ్యాప్తంగా హెపటైటిస్‌ స్క్రీనింగ్‌

నేటి ముఖ్యాంశాలు..

భార్య టీ పెట్టి ఇవ్వ లేదని..

అప్రమత్తతే రక్ష

దక్షిణాదివారికి ఆశ ఎక్కువ..

రెండో పెళ్లి చేసుకున్న భార్యపై కేసు

గ్రహం అనుగ్రహం (18-11-2019)

ప్రపంచానికి బుద్ధిజమే శరణ్యం

యూపీ మసీదు పేలుడు కేసులో సిటీ డాక్టర్‌

పీజీ చేరికల్లో ఆమెదే హవా

ఆంధ్రప్రదేశ్
తెలంగాణ
సినిమా

సమస్యను పరిష్కరించే రాజా

బ్రేకప్‌ గురించి మాట్లాడను

ఈ కథ ముందు ఏదీ గొప్పగా అనిపించలేదు

టేక్‌ అనగానే పూనకం వచ్చేస్తుంది

బర్త్‌డే సర్‌ప్రైజ్‌

కన్నడనూ కబ్జా చేస్తారా?