జీడిమెట్ల: పోలీసులు వ్యభిచార గృహంపై దాడి చేసి ఇద్దరు మహిళలతో పాటు ఓ నిర్వాహకుడిని అరెస్టు చేశారు. ఎస్సై రాములు తెలిపిన వివరాల ప్రకారం.. గాజులరామారం డివిజన్ లాల్ సాహెబ్‌గూడలో జీడిమెట్లకు చెందిన సుల్తాన్(48) అనే వ్యక్తి నగరంలోని వివిధ ప్రాంతాల నుంచి మహిళలను తీసుకువచ్చి వ్యభిచారం చేయిస్తున్నాడు. విషయం తెలుసుకున్న పోలీసులు శనివారం వ్యభిచార గృహంపై దాడిచేసి ఇద్దరు మహిళలతో పాటు నిర్వాహకుడిని అదుపులోకి తీసుకున్నారు. ఇద్దరు మహిళలను పోలీసులు రెస్క్యూహోంకు తరలించారు.
