0001కు రూ.8 లక్షలు

12 Aug, 2017 02:45 IST|Sakshi
సాక్షి, హైదరాబాద్‌: ఫ్యాన్సీ నంబర్ల క్రేజ్‌ రవాణా శాఖకు కాసుల పంట పండిస్తోంది. శుక్రవారం ఖైరతాబాద్‌ ఆర్టీఏ కార్యాలయంలో ప్రారంభమైన నూతన సిరీస్‌లోని టీఎస్‌ 09 ఈవీ 0001 నంబర్‌ రికార్డు స్థాయిలో రూ.8.02 లక్షల ధర పలికింది. నగరానికి చెందిన రాజీవ్‌ అనే వ్యక్తి రూ.62.99 లక్షల విలువ గల తన నూతన బెంజ్‌ కారుకు ఈ నంబర్‌ను దక్కించుకున్నారు.

ఇక ఇదే సిరీస్‌లో 0111 నంబర్‌కు రూ.1.20 లక్షలు లభించా యి. ఇక 09 ఈయూ సిరీస్‌లోని నంబర్‌ 0007 వేలానికి రూ.1.07 లక్షలు లభించాయి. మొత్తంగా నూతన సిరీస్‌ల ప్రారంభంతో ఫ్యాన్సీ నంబర్ల వేలం ప్రక్రియలో ఆర్టీఏకు ఒకేరోజు రూ.14.65 లక్షల ఆదాయం లభించినట్లు జేటీసీ పాండురంగనాయక్‌ తెలిపారు.  
మరిన్ని వార్తలు