వామ్మో...అలారం

19 Nov, 2015 16:25 IST|Sakshi

స్వీడన్:  పొద్దున్నే మర్చిపోకుండా నిద్ర లేవాలంటే  ఎవరైనా ఏం చేస్తాం.. అలారం పెట్టుకుంటాం. అయనా ఠంచన్ గా  అలారం మోగినా లేవడానికి బద్దకించేవాళ్లు చాలామందే ఉన్నారు.   అంతేకాదు దాని నెత్తిమీద ఒకటి మొట్టి మరీ  మళ్లీ ముసుగు తన్ని పడుకోవడం కూడా కామనే... అవునా.. కాని  ఇపుడు ఓ అలారం ఆ పప్పులేవీ ఉడకవు అంటోంది. పాఠం అప్పచెప్పకపోతే బెత్తం తీసుకుని వాయించే టీచర్ లా.. లేచే దాకా మొఖం మీద  ఫెడీ. ఫెడీ వాయిస్తూనే ఉంటానంటోంది.  ఎంతటి కుంభకర్ణులకైనా దెబ్బకు దెయ్యం అదేనండి..నిద్ర  పారిపోవాల్సిందే అంటోంది. దీనికి  సంబంధించి స్వీడిస్ మహిళ విడుదల చేసిన  వీడియో ఒకటి ఇపుడు  సోషల్ మీడియాలో చక్కర్లు కొడుతోంది.  ఈ వేకప్ అలారాన్ని చూసిన నెటిజన్లు,  ఇదేమీ అలారం రా బాబూ అనుకుంటూనే  లైక్ ల మీద కొడుతూ, వేల కొద్దీ షేర్ లు చేస్తున్నారట.
 

మరిన్ని వార్తలు