న్యూఢిల్లీ: కెనడా పౌరసత్వం గల భారత సంతతి యువతిని పెళ్లాడటంతో ఓ ఆర్మీ మేజర్ ఉద్యోగానికే ఎసరొచ్చే పరిస్థితులు ఏర్పడ్డాయి. ఎన్‌ఎస్‌జీలో ఇటీవల నియమితుడైన ఆ మేజర్, 2010లో కెనడా పౌరసత్వం పొందిన భారత సంతతి యువతిని పెళ్లాడారు. పెళ్లికి ఏడాది ముందే ఆమెకు కెనడా శాశ్వత పౌరసత్వం లభించింది. ఆర్మీ అనుమతి తీసుకోకుండా ఆమెను పెళ్లాడటమే కాకుండా, ఇన్నాళ్లూ ఈ విషయాన్ని ఉన్నతాధికారులకు వెల్లడించని కారణంగా మేజర్‌కు చిక్కులు మొదలయ్యాయి. ఆర్మీ ఆయనపై విచారణ ప్రారంభించింది.
