జిరాఫీ నోట్లోకి వెళ్లి మరీ ఈ పక్షి ఏం చేస్తోందా అని అనుకుంటున్నారా? డెంటల్ క్లీనింగ్! ఏంటి నమ్మట్లేదా..? కాస్త పరీక్షగా చూడండి.. జిరాఫీ పళ్ల మధ్యలో ఇరుక్కుపోయిన ఆహార వ్యర్థాలను ఆక్స్‌పెక్కర్ అనే ఈ పక్షి తన ఎర్రటి ముక్కుతో శుభ్రం చేస్తోంది. టాంజానియాలోని ఓ అభయారణ్యంలో ఇలాంటి దృశ్యాలు సాధారణమేనట. రష్యాకు చెందిన యూలియా సుందుకోవా అనే 36 ఏళ్ల ఫొటోగ్రాఫర్ ఈ ఫొటోలు క్లిక్‌మనిపించాడు. ఈ పక్షి తన పళ్లను శుభ్రం చేస్తున్నంతసేపూ జిరాఫీ ఎంతో ఓపికగా ఉందని యూలియా చెప్పాడు.
