ప్రేమ గాయం చేసింది.. అతను మాత్రం..

6 Oct, 2019 08:19 IST|Sakshi

ప్రేమ తన మనసుకు గాయం చేసినా.. అతను మాత్రం ప్రేమే ఊపిరిగా బ్రతికాడు. తనను కాదన్న ప్రియురాలి మీద పగ పెంచుకోకుండా.. తన ప్రేమ ఎంత గొప్పదో ఆమెకే కాదు.. మొత్తం ప్రపంచానికే చాటి చెప్పాడు. తను ఒక్కడే కొన్ని సుదీర్ఘమైన సంవత్సరాలు.. రాత్రి,పగలు అని తేడా లేకుండా ఎంతో ఇష్టంతో ప్రేమ కోటను నిర్మించాడు. ఆ ప్రేమ చిహ్నమే ‘‘కోరల్‌ ​కాసిల్‌’’.

కోరల్‌ కాసిల్‌ వద్ద ఎడ్వర్డ్‌ లీడ్స్‌ స్కెల్‌నిన్‌(ఫైల్‌)
ప్రేమకు గుర్తుగా 28 సంవత్సరాలు..
యూరప్‌లోని లాట్వియాన్‌కు చెందిన ఎడ్వర్డ్‌ లీడ్స్‌ స్కెల్‌నిన్‌కు ఆగ్నెస్‌ స్కఫ్‌ అనే యువతితో తన 26 ఏట పెళ్లి నిశ్చయమైంది. ఇక అప్పటినుంచి ఆగ్నెస్‌ అంటే ఎడ్వర్డ్‌కు చెప్పలేని ప్రేమ మొదలైంది. ఆమెను తన దాన్ని చేసుకునే రోజు కోసం వెయ్యికళ్లతో ఎదురుచూడటం మొదలుపెట్టాడు. పెళ్లికి ఒక రోజు మాత్రమే ఉందనగా ఓ విషాదమైన వార్త అతడి చెవినపడింది. ఆగ్నెస్‌ కంటే తను వయసులో చాలా పెద్దవాడైన కారణంగా ఆమె పెళ్లి వద్దనుకుందని తెలిసి తల్లడిల్లిపోయాడు. ఎంతగానో ప్రేమించిన వ్యక్తి తనని కాదనే సరికి తట్టుకోలేకపోయాడు. ఆమెను ఊహల్లోనుంచి చెరిపేయలేకపోయాడు.

కోరల్‌ కాసిల్  నిర్మాణం కోసం రాళ్లు తరలిస్తున్న ఎడ్వర్డ్‌(ఫైల్‌)
ఆ తర్వాత కొద్దిరోజులకు యూరప్‌ వదిలి అమెరికాలోని ఫ్లోరిడాకు వచ్చి స్థిరపడ్డాడు. నెలలు గడుస్తున్నా ఆమెను మర్చిపోలేకపోయాడు. తన ప్రేమకు గుర్తుగా ఏదైనా చేద్దామనుకున్నాడు. అప్పుడే ప్రేమ కోటను నిర్మించాలన్న ఆలోచన వచ్చింది. 1923 సంవత్సరంలో కోట పనులను ప్రారంభించి దాదాపు 28 సంవత్సరాలు కష్టపడ్డాడు. అన్ని సంవత్సరాల కష్టానికి ప్రతిఫలంగా ఓ అందమైన కోట రూపుదిద్దుకుంది. ఎడ్వర్డ్‌.. టన్నుల బరువైన సున్నపురాయిని అవసరమైన రీతిలో చెక్కుతూ ఈ కోటను నిర్మించాడు. రాళ్లతోటే కుర్చీలు, పాన్పులు, సింహాసనాలు, బాత్‌టబ్‌, అర్థ చంద్రకార ఆకృతుల వంటి వాటిని కూడా తయారుచేశాడు. కిడ్నీలు పాడవటంతో ఎడ్వర్డ్‌ 1951లో 64ఏళ్ల వయస్సులో మరణించాడు.

రహస్యాల ‘కోరల్‌ కాసిల్‌’
కోరల్‌ కాసిల్‌ నిర్మాణంపై, ఎడ్వర్డ్‌ లీడ్స్‌ స్కెల్‌నిన్‌పై అనేక కథలు ప్రచారంలో ఉన్నాయి. ఎడ్వర్డ్‌కు అతీత శక్తులు ఉన్నాయని, ఆ అద్భుత శక్తుల కారణంగానే కేవలం 5 అడుగుల ఎడ్వర్డ్‌ టన్నుల బరువైన రాళ్లను సుదూర తీరాలనుంచి తెచ్చి కోటను నిర్మించాడని కొంతమంది నమ్మకం. అతడు ఒంటరిగా రాత్రిళ్లు మాత్రమే కోట పనులు చేసేవాడని, తన అద్భుత శక్తులు బయటి ప్రపంచానికి తెలియకూడదన్న కారణంగానే అతడు రాత్రిని ఎన్నుకొన్నాడని, కోట నిర్మాణం సమయంలో అతడిని తప్ప వేరే వ్యక్తిని అక్కడ తాము చూడలేదని ముసలివాళ్లైన స్థానికులు చెబుతున్నారు.

Read latest International News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి

Load Comments
Hide Comments
మరిన్ని వార్తలు

ప్రేమ కానుక

ఆస్తి కావాలా? ప్రేమ కావాలా? నిర్ణయించుకో..

స్నేహం, ప్రేమ, పెళ్లి.. ఈ మూడు..

పెళ్లయ్యాక ప్రేమ ఇలా ఉండొచ్చా?

అతనంటే పిచ్చి ప్రేమ! ఎంతంటే.. 

ఇలాంటి వారిని అస్సలు పెళ్లి చేసుకోరు

మీ పార్టనర్‌తో బ్రేకప్‌ అయ్యారా ?

నువ్వు చేతకాని వాడివి.. వదిలేయ్‌ అంది

ఏది ప్రేమ? ఏది మోహం?..

ప్రియా.. ఒక అందమైన ఙ్ఞాపకం..

రోమియో.. జూలియట్‌

దేవదాసు.. పార్వతి

లైలా..మజ్ను

మీ ప్రేమ బంధానికి ఓ తాళం వేసిరండి!

భర్తమీద ప్రేమతో అతడి గుండెను..

సలీం.. అనార్కలీ

ప్రేమసౌథం ‘‘తాజ్‌మహాల్‌’’

గర్భవతినయ్యా.. సమాజం కోసం తప్పు చేయను

అనగనగా ఓ హిమజ

ఆమె!!! ప్రేమ!!!