దావూద్‌ కొడుకు దారిలోనే ఛోటా షకీల్‌ కొడుకు..!

26 Aug, 2018 17:03 IST|Sakshi
దావూద్‌ ఇబ్రహీం, ఛోటా షకీల్‌ (పాత చిత్రాలు)

సాక్షి, ముంబై : అండర్‌ వరల్డ్‌ డాన్‌ దావూద్‌ ఇబ్రహీం ప్రధాన అనుచరుడు ఛోటా షకీల్‌కు షాక్‌ తగిలింది. అతని ఒక్కగానొక్క కొడుకు ఆధ్యాత్మిక జీవితం వైపు అడుగులేయడంతో అరవయ్యేళ్ల పైబడ్డ షకీల్‌కు ఏమీ పాలుపోవడం లేదు. షకీల్‌ కొడుకు ముబషీర్‌ షైక్‌ (18) పవిత్ర ఖురాన్‌లో ఉన్న 6236 పద్యాలు కంఠస్తం పట్టడంతో ఇప్పటికే వార్తల్లో నిలిచాడు. ముబషీర్‌ ‘హఫీజ్‌ ఎ ఖురాన్‌’గా మారాడనీ, కరాచీలోని ఓ మసీదులో ప్రజలకు ఖురాన్‌ను బోధిస్తున్నాడని  సమాచారం. ఇప్పటికే అండర్‌వరల్డ్‌ డాన్‌ దావూద్‌ ఇబ్రహీంకు కొడుకు వ్యవహారంతో షాక్‌ తగలగా..ఆయన అనుచరుడు ఛోటా షకీల్‌కు కూడా అదే పరిస్థితి ఎదురైంది.

దావూద్‌ కొడుకు మోయిన్‌ నవాజ్‌ (31) ఇస్లాం మత ప్రబోధకుడి (మౌలానా)గా మారడంతో అతను డిప్రెషన్‌కు గురైనట్టు వార్తలు వచ్చిన విషయం తెలిసిందే. దావూద్‌, అతని ప్రధాన అనుచరుడు ఛోటా షకీల్‌ కొడుకు కూడా ఆధ్యాత్మిక జీవితానికే మొగ్గుచూపడంతో ముంబై అండర్‌వరల్డ్‌లో తీవ్ర అలజడి నెలకొంది. దీంతో డీ-గ్యాంగ్‌ సృ​ష్టించిన కోట్ల రూపాయల అధో ప్రపంచానికి వారసుడు కరువయ్యాడని కొందరు చెప్తున్నారు. కాగా, ముబషీర్‌ అంటే మంచి వార్తలు మోసుకురావడం అని అర్థం. దావూద్‌ కొడుకు స్ఫూర్తితో ముబషీర్‌ ఈ నిర్ణయం తీసుకున్నాడని పలువురు భావిస్తున్నారు.

Load Comments
Hide Comments
మరిన్ని వార్తలు

సల్మాన్‌ ఆదేశాలతోనే ఖషోగ్గీ హత్య

కిలోగ్రామ్‌కు సరికొత్త నిర్వచనం

హెచ్‌4లకు ఉద్యోగాల రద్దు వద్దు!

సంబంధాలు పునర్నిర్మించుకుందాం!

స్మార్ట్‌ఫోన్‌: పిల్లలు ఆగం కాకుండా ఏం చేయాలి?

ఆంధ్రప్రదేశ్
తెలంగాణ
సినిమా

అవును.. ఉంది!

ఎన్నాళ్లో వేచిన ఉదయం... ‘టాక్సీవాలా’

ప్రశాంత్‌ ఈజ్‌ బ్యాక్‌

అలాంటి పాత్రల్లో నటించను : కీర్తి సురేష్‌

చెంప దెబ్బ కొట్టలేక సినిమా వదిలేసింది..!

శ్రమశిక్షణ