ముగిసిన ట్రంప్, కిమ్‌ భేటీ 

1 Mar, 2019 02:24 IST|Sakshi

ఎలాంటి ఒప్పందాలు జరగకుండానే ముగిసిన భేటీ 

హనోయ్‌ : ప్రపంచమంతా ఎంతో ఆసక్తిగా ఎదురుచూసిన అమెరికా అధ్యక్షుడు డొనాల్డ్‌ ట్రంప్, ఉత్తర కొరియా అధినేత కిమ్‌ జాంగ్‌ మధ్య భేటీ ఎలాంటి ఫలి తం లేకుండానే ముగిసింది. వియత్నాంలోని హనోయ్‌లో గురువారం జరిగిన వీరి భేటీలో ఎలాంటి ఒప్పందాలు జరగలేదు. అమెరికా, ఉత్తర కొరియా న్యూ క్లియర్‌ సమిట్‌లో భాగంగా వీరు బుధ, గురువారాల్లో సమావేశమయ్యారు. ఇరుదేశాధినేతల మధ్య జరిగిన చర్చలు సత్ఫలితాలు ఇస్తాయని భావించినప్పటికీ.. ఎలాంటి ఒప్పందాలు జరగకుండానే సమావేశం అర్ధంతరంగా ముగిసింది. భేటీ అనంతరం ట్రంప్‌ మీడియాతో మాట్లాడుతూ.. తమపై విధించిన ఆంక్షలన్నీ ఎత్తివేయాలని ఉత్తర కొరియా కోరిందని దానికి తాము అంగీకరించలేదని వెల్లడించారు. దీంతో ఎలాంటి ఒప్పందం లేకుండానే చర్చలు ముగిశాయని చెప్పారు. సుహృద్భావ వాతావరణంలో చర్చలు జరిగాయని, తమ మధ్య సత్సంబంధాలు కొనసాగుతాయని పేర్కొన్నారు. ఓ పనిని త్వరగా పూర్తి చేయడం కంటే సరిగా చేయడానికే తాను ప్రాధాన్యత ఇస్తానని ట్రంప్‌ వ్యాఖ్యానించారు. అణ్వాయుధాలు, క్షిపణులు ప్రయోగించబోనని కిమ్‌ ఇచ్చిన మాట కు కట్టుబడి ఉంటారని తాను భావిస్తున్నట్లు ట్రంప్‌ పేర్కొన్నారు. త్వరలో కిమ్‌ ను మరోసారి కలుస్తానని భావిస్తున్నట్లు తెలిపారు. వైట్‌హౌస్‌ నిర్దేశించిన కార్యక్రమం ప్రకారం ట్రంప్, కిమ్‌లు కలిసి భోజనం చేసిన అనంతరం ఇరు దేశాల మధ్య ఒప్పందానికి సంబంధించి సంతకాలు చేయాల్సి ఉంది. అయితే దీనికి భిన్నంగా వారు 2 గంటల్లోనే భేటీని ముగించారు. ట్రంప్, కిమ్‌ల భేటీపై పలువురు మండిపడుతున్నారు. ట్రంప్‌ ధోరణితో ఆగ్రహానికి గురైన కిమ్‌ భేటీ మ ధ్యలోనే వెళ్లిపోయారని, ఇక మరోసారి ట్రంప్‌తో భేటీ కారని కొందరు ఎద్దేవా చేశారు. మరికొందరు ప్రమాదం కలిగించే ఒప్పందాలు కుదుర్చుకోవడం కన్నా ఎలాంటి ఒప్పందం కుదరకపోవడమే మంచిదని అభిప్రాయపడ్డారు.

భారత్, పాక్‌ ఉద్రిక్తతలు సమసిపోతాయి: ట్రంప్‌ 
హనోయ్‌ : భారత్, పాకిస్తాన్‌ల మధ్య నెలకొన్న తీవ్ర ఉద్రిక్తతల నేపథ్యంలో అమెరికా అధ్యక్షుడు డొనాల్డ్‌ ట్రంప్‌ కీలక వ్యాఖ్యలు చేశారు. అణ్వాయుధ శక్తి గల ఇద్దరు దాయాదుల మధ్య సరిహద్దుల్లో నెలకొన్న ఉద్రిక్తతలు త్వరలోనే సమసిపోయే అవకాశం ఉందని విశ్వాసం వ్యక్తం చేశారు. దీనికి సంబంధించి తమ వద్ద సహేతుకమైన మంచి వార్త ఉందని అన్నారు. వియత్నాంలో ఉత్తర కొరియా అధ్యక్షుడు కిమ్‌ జాంగ్‌ ఉన్‌తో రెండోసారి భేటీ అయిన అనంతరం ఆయన విలేకరులతో మాట్లాడారు. ‘వారిద్దరి మధ్య ఉన్న ప్రస్తుత ఉద్రిక్తతలను తగ్గించేందుకు మేము కృషి చేస్తున్నాం. భారత్, పాక్‌ల మధ్య గొడవలు సమసిపోతాయన్న విశ్వాసం మాకు ఉంది. దీనికి సంబంధించి మా దగ్గర మంచి కబురు ఉంది’అని ఆయన చెప్పారు. పుల్వామా ఉగ్రవాద దాడికి ప్రతీకారంగా భారత్‌ వైమానిక దాడులు నిర్వహించడం.. అందుకు ప్రతిగా పాక్‌ భారత్‌ గగనతలంలోకి యుద్ధ విమానాలతో చొరబడటం.. సరిహద్దుల్లో యుద్ధ వాతావరణం సృష్టించిన సంగతి తెలిసిందే. ఈ నేపథ్యంలో భారత్, పాక్‌ల మధ్య ఉన్న ప్రస్తుత పరిస్థితులపై ఆయన తొలిసారి మాట్లాడారు. అంతకుముందు అమెరికా విదేశాంగ మంత్రి మైక్‌ పొంపియో భారత జాతీయ భద్రతా సలహాదారు అజిత్‌ దోవల్‌తో ఫోన్‌లో మాట్లాడారు. పుల్వామా ఉగ్రదాడి, బాలాకోట్‌పై భారత సర్జికల్‌ దాడులు అంశాలపై ఇరువురు చర్చించారు. అలాగే అమెరికా రక్షణ మంత్రి పాట్రిక్‌ షానహాన్‌ సైతం ఇరు దేశాల మధ్య ఉద్రిక్తతలను తగ్గించేందుకు కృషి చేస్తున్నారని, ఇరు దేశాలు తదుపరి ఎలాంటి సైనిక చర్యలకు దిగకుండా చర్చిస్తున్నారని పెంటగాన్‌ నుంచి ఓ ప్రకటన వెలువడింది. అలాగే ఉగ్రవాదులకు నిధులు అందకుండా చేయడం, ఆ దేశంలో ఉగ్రవాదుల ఉనికి లేకుండా చేయడం వంటి వాగ్దానాలకు కట్టుబడి ఉండాలని పాకిస్తాన్‌ను అమెరికా కోరినట్లు తెలిపింది.

Read latest International News and Telugu News
Follow us on FaceBook, Twitter
Load Comments
Hide Comments
మరిన్ని వార్తలు

గూగుల్‌కు ఊహించని షాక్‌

9మందిని విడుదల చేసిన ఇరాన్‌

అమెరికాలో మళ్లీ మరణశిక్షలు

విషమం : సాయం చేసి ప్రాణాలు నిలపండి..!

కిమ్‌.. మరో సంచలనం

బ్రిటన్‌ హోం మంత్రిగా ప్రీతీ పటేల్‌

చైనా నేవీకి నిధులు, వనరుల మళ్లింపు

చైనా సాయంతో మేము సైతం : పాక్‌!

డల్లాస్‌లో కనువిందుగా ఆహా! ఈహీ! ఓహో!

‘వరల్డ్‌కప్‌తో తిరిగొచ్చినంత ఆనందంగా ఉంది’

వేసవి కోసం ‘ఫ్యాన్‌ జాకెట్లు’

బోరిస్‌ టాప్‌ టీంలో ముగ్గురు మనోళ్లే

జాబిల్లిపై మరింత నీరు!

పాక్‌లో 40 వేల మంది ఉగ్రవాదులు!

బ్యూటీక్వీన్‌కు విడాకులిచ్చిన మాజీ రాజు!

ఉడత మాంసం వాసన చూపిస్తూ..

మాస్టర్‌ చెఫ్‌; 40 శాతం పెంచితేనే ఉంటాం!

అదొక భయానక దృశ్యం!

ఆ షూస్‌ ధర రూ. 3 కోట్లు!

నీల్‌ ఆర్మ్‌స్ట్రాంగ్‌ మరణం; రహస్య ఒప్పందం?!

అందుకే మా దేశం బదనాం అయింది: పాక్‌ ప్రధాని

భయానక అనుభవం; తప్పదు మరి!

‘మేమిచ్చిన సమాచారంతోనే లాడెన్‌ హతం’

ఊచకోత కారకుడు మృతి

అదంతే..అనాదిగా ఇంతే!

ఆ యాప్‌లో అసభ్యకర సందేశాలు!

బ్రిటన్‌ నూతన ప్రధానిగా బోరిస్‌ జాన్సన్‌

బుడుగులకో ‘సెర్చ్‌ ఇంజన్‌’!

ఆడి కారు కోసం... ఇంట్లోనే డబ్బులు ప్రింట్‌ చేసి..

అక్కడ సెల్ఫీ తీసుకుంటే అదుర్స్‌!

ఆంధ్రప్రదేశ్
తెలంగాణ
సినిమా

గ్యాంగ్‌స్టర్‌ గానా బజానా!

రీమేక్‌ క్వీన్‌

రాజమండ్రికి పోదాం!

మిస్టర్‌ బచ్చన్‌ పాండే

మంచి కంటెంట్‌ ఉన్న సినిమా

అందరూ ఆలోచించేలా...