దుర్భర దారిద్ర్యంలో మగ్గుతూ, ఆకలికి అలమటిస్తూ, భగభగమండే భానుడి ప్రతాపాన్ని తట్టుకోలేక దాహంతో ఓ చిన్నారి రోడ్డుపై నిలిచిన మురికినీరు తాగుతున్న విషాద దృశ్యమిది. మంగళవారం అర్జెంటీనాలోని పొసడాస్‌ సిటీలో ఐక్యరాజ్య సమితి బాలల నిధి(యూనిసెఫ్‌) వాలంటీర్‌ ఒకరు ఈ ఫొటోను సోషల్‌ మీడియాలో పోస్టు చేశారు.
దీంతో అర్జెంటీనాలో నెలకొన్న దారుణ పరిస్థితులపై విమర్శలు వెల్లువెత్తుతున్నాయి. మేబా గరానీ తెగకు చెందిన భిక్షాటన చేసే వందలాది మంది చిన్నారులు ఇలా కడుపునింపుకుంటున్నారని ఈ ఫొటో తీసిన స్థానిక జర్నలిస్ట్‌ చెప్పారు.
