25 లక్షల మంది చూసిన కౌగిలింత

9 Jun, 2016 19:52 IST|Sakshi
25 లక్షల మంది చూసిన కౌగిలింత

లూసియానా: ఎంతో ప్రేమగా పెంచుకునే కుక్క చనిపోవడాన్ని జీర్ణించుకోలేకపోయాడు ఓ బాలుడు. తనకు శునకాల మీద ఉన్న ప్రేమని తల్లిదండ్రులకు కూడా చెప్పలేక పోయాడు. తన మనసులోనే కుక్కలపై అభిమానాన్ని పెంచుకున్నాడు. ఎవరూలేని ఇంట్లో అతడు కుక్కకు ఇచ్చిన ఓ హగ్ అక్కడే ఉన్న సీసీటీవీ కెమెరా కంటికి చిక్కింది. ఇంకేముంది కల్మశంలేని ఆ చర్యతో ప్రపంచవ్యాప్తంగా ఉన్న చాలా మంది అభిమానాన్ని సంపాదించుకున్నాడు లూసియానాకు చెందిన జోష్ బ్రూక్స్ అనే బాలుడు.

వీడియోలో ఏముందంటే.. ఎవరూలేని ఓ ఇంట్లోకి జోష్ వేగంగా వచ్చి సైకిల్ను కిందపడేస్తాడు. వెంటనే పరుగున అక్కడే ఉన్న ఓ కుక్క దగ్గరికి వేగంగా వచ్చి ప్రేమతో కౌగిలించుకుంటాడు. ఆ మరుక్షణమే తిరిగి అక్కడి నుంచి వేగంగా వెళ్లి సైకిల్ తీసుకొని వెళ్లిపోతాడు.