ఈ భార్యాభర్తల పంచాయితీ చరిత్రలో నిలిచిపోతుంది..!

25 Aug, 2019 12:18 IST|Sakshi
అంతరిక్షంలో అన్నె మెక్లెయిన్‌

వాషింగ్టన్‌ : ఇంట్లో మొదలైన పంచాయితీ వీధిలోకి.. అక్కడి నుంచి రచ్చబండపైకి చేరడం చూశాం. కానీ, అమెరికాలోని ఓ జంట పంచాయితీ మాత్రం అంతరిక్షం వరకు వెళ్లింది. నాసా (అ​మెరికా అంతరిక్ష సంస్థ)లో పనిచేసే ఆస్ట్రోనాట్‌ అన్నె మెక్లెయిన్‌ తన భార్య సమ్మర్‌ వోర్డెన్‌తో విభేదాలు రావడంతో విడిగా ఉంటోంది. ఇద్దరూ స్త్రీలైనా వీరు భార్యాభర్తలుగా కొనసాగడం గమనార్హం. నాసా స్పేస్‌ మిషన్‌లో భాగంగా మెక్లెయిన్‌ ఆరు నెలలపాటు అంతరిక్షంలో గడిపింది. ఆ సమయంలో తన భార్య బ్యాంకు లావాదేవీలను అక్రమంగా తెలుసుకుంది. ఇంటర్నేషనల్‌ స్పేస్‌ స్టేషన్‌లో ఉన్నప్పుడు తన కంప్యూటర్‌లోకి మెక్లెయిన్‌ చొరబడి ఆర్థిక లావాదేవీలు తెలుసుకుందని ఆమె భార్య సమ్మర్‌ వోర్డెన్‌ ఆరోపించారు.

ఈ మేరకు ఫెడరల్‌ ట్రేడ్‌ కమిషన్‌ (ఎఫ్‌టీసీ) లో ఆమె ఫిర్యాదు చేశారు. అయితే, ఎఫ్‌టీసీ తన ఫిర్యాదుపై స్పందించడం లేదని ఆమె వాపోయారు. ఇక వోర్డెన్‌ కుటుంబ సభ్యుల ఫిర్యాదుతో నాసా అధికారులు ఈ ఘటనపై విచారణ చేస్తున్నారు. అయితే, ఇద్దరూ కలిసున్నప్పుడు చేసిన లావాదేవీలను తెలుసుకునేందుకే మెక్లెయిన్‌ అలా చేసిందని ఆమె తరపు న్యాయవాది చెప్తున్నాడు. మొత్తంమీద భూమి నుంచి ఆకాశానికి తాకిన ఈ పంచాయితీ మొట్టమొదటిదిగా నిలిచిపోనుంది. నేరం నిరూపణ అయితే మెక్లెయిన్‌పై క్రిమినల్‌ కేసు నమోదయ్యే అవకాశం ఉంది.

Read latest International News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు

కరోనా వ్యాప్తి: ఐరాస సిబ్బందికి పాజిటివ్‌!

కరోనా కట్టడికి బిల్‌గేట్స్‌ సూచనలు!

‘యుద్ధం లేదు.. కానీ 5 వేల మంది చనిపోతే ఎలా?’

కరోనా: భారత సంతతి వైరాలజిస్టు మృతి

అద్భుతం.. మోదీకి థాంక్స్‌: ఇవాంక

సినిమా

‘ఉప్పెన’ నుంచి న్యూలుక్‌ విడుదల

నెటిజన్ల ట్రోల్స్‌పై స్పందించిన సోనాక్షి

హలో! ఇప్పుడే క్లారిటీకి రాకండి

కరోనా: మరో ప్రముఖ నటుడు మృతి 

అమలాపాల్‌ రెండో పెళ్లిపై స్పందించిన శ్రీరెడ్డి

ఇటలీలో మన గాయని