బీజింగ్‌: భారత ప్రధాని నరేంద్రమోదీ చేసిన వ్యాఖ్యలను చైనా స్వాగతించింది. మోదీ చేసిన వ్యాఖ్యలు శాంతిమార్గానికి అనుకూలంగా ఉన్నయంటూ చైనా పేర్కొంది. గత వారంలో రష్యా పర్యటనలో ఉన్న ప్రధాని మోదీ మాట్లాడుతూ.. ‘భారత్‌కు చైనాతో సరిహద్దు సమస్య ఉందనేది నిజమే. కానీ, ఈ ఆకారణంగా గడిచిన 40 ఏళ్లలో మేం ఏనాడు ఒక్క బుల్లెట్‌ కూడా కాల్చలేదు’ అని మోదీ అన్నారు.
దీనికి బదులిచ్చిన చైనా ‘ప్రధాని నరేంద్రమోదీ చేసిన పాజిటివ్‌ వ్యాఖ్యలను స్వాగతిస్తున్నాం’ అంటూ చైనా విదేశాంగశాఖ అధికార ప్రతినిధి హువా చున్యింగ్‌ తెలిపారు. భారత్‌ తమకు అతిపెద్ద భాగస్వామి అని, మున్ముందు కూడా ఎలాంటి విబేధాలు తలెత్తకుండా చూసుకుంటూ ద్వైపాక్షిక సంబంధాలను మెరుగు పరుచుకుంటామని అన్నారు.
