చిట్టి పెంగ్విన్లకు పెద్ద కష్టం!

12 Jun, 2019 14:13 IST|Sakshi

విక్టోరియా : ఆస్ట్రేలియాలోని బుల్లి పెంగ్విన్‌లకు పెద్ద కష్టమే వచ్చిపడింది. 13 సెంటీ మీటర్ల కంటే పెద్దగా పెరగలేని ఈ పెంగ్విన్లకు కికియూ అనే గడ్డి శాపంగా మారుతోంది. గడ్డి శాపంగా మారడమేంటనేగా... 1992లో విక్టోరి యా ప్రాంతంలో విమానం లాండింగ్‌ సౌకర్యం కోసం  కికియూ అనే గడ్డిని తీసుకువచ్చి నాటారు. అయితే ఈ గడ్డి విపరీతంగా పెరిగిపోతూ పెంగ్విన్‌లు నివాసం ఉండే ప్రాంతాలను కప్పేస్తోంది.

అంతేకాకుండా ఈ గడ్డిలో చిక్కుకొని ఎటూ కదల్లేక పెంగ్విన్‌లు చనిపోతున్నాయట. గతంలో 40 వేల వరకు ఉన్న ఈ పెంగ్విన్‌ల సంఖ్య ప్రస్తుతం 18 వేలకు చేరుకుంది. అయితే దీనికి స్థానిక అధికారులు ఒక ఉపాయం ఆలోచించారు. పెంగ్విన్‌లను రక్షించడానికి ఆవులను రంగంలోకి దించారు. గడ్డిని ఆవులు మేసేయడంతో పెంగ్విన్‌లకు కష్టాలు తప్పుతున్నాయట.

Read latest International News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు