వాషింగ్టన్: సైబర్ నేరగాళ్లు ఎప్పటికప్పుడు కొత్త సాంకేతికతతో హ్యాకింగ్కు పాల్పడుతూనే ఉన్నారు. ప్రపంచాన్ని బెంబేలెత్తిస్తున్న ఈ హ్యాకింగ్ సమస్యకు అడ్డుకట్టవేసేందుకు అత్యంత వేగవంతమైన సంకేత భాష (ఎన్క్రిప్షన్) వ్యవస్థను అమెరికాలోని ఒహాయో విశ్వవిద్యాలయ శాస్త్రవేత్తలు అభివృద్ధి చేశారు. ఇప్పటి వరకు ఉన్న భద్రతా వ్యవస్థల కంటే తాము అభివృద్ధి చేసిన క్వాంటమ్ కీ డిస్ట్రిబ్యూషన్ (క్యూకేడీ) సంకేత వ్యవస్థ 5 నుంచి 10 రెట్లు వేగంగా పనిచేస్తుందని డానియల్ గౌతియర్ తెలిపారు.
ఈ సంకేత భాషను హ్యాకర్లు అర్థం చేసుకోలేరని, తద్వారా హ్యాకింగ్కు పాల్పడే అవకాశాలు ఉండబోవని చెప్పారు. ‘‘ఈ వ్యవస్థ ద్వారా సమాచారం పంపుతున్న వ్యక్తికి, సమాచారాన్ని గ్రహించే వ్యక్తికి ఒక ‘కీ’అందుతుంది. ఆ ‘కీ’సహాయంతోనే అందులోని సమాచారాన్ని తెలుసుకోగలం. కీ లేకుండా సమాచారాన్ని హ్యాక్ చేసేందుకు ప్రయత్నించినా అందులోని సమాచారం అర్థం కాదు’’అని డానియల్ వివరించారు. 1984లో క్యూకేడీ వ్యవస్థను సిద్ధాంతీకరించారని, ప్రస్తుతం అధునాతన సాంకేతికతతో ఆన్లైన్లో దీన్ని అందుబాటులోకి తీసుకువచ్చినట్లు ఆయన చెప్పారు.