ఈ ఉడుతలను చూస్తుంటే ఎంతో ముచ్చటేస్తోంది కదూ! అందుకే ఫొటోగ్రాఫర్ వాదిమ్ ట్రునావ్ సరదా పడి వాటికో పరీక్ష పెట్టాడులెండి!! ఓ మంచు ముద్ద, కెమెరాను పెట్టి మరో కెమెరాతో నిఘా పెట్టాడు. గెంతులేస్తూ వచ్చిన ఈ బుజ్జి ఉడుతలు హఠాత్తుగా వాటిని చూసి అక్కడే ఆగిపోయాయి.
ఇంకేముంది.. కోతికి కొబ్బరి చిప్ప దొరికినట్టయింది. తమ తెలివిని ప్రదర్శించడానికి పోటీపడ్డాయి. ఇలా ఒకదాన్ని మించి మరొకటి ఫొటోలకు పోజులిచ్చాయి. ఇంతకీ ఎక్కడో చెప్పనేలేదు కదా.. రష్యాలోని అటవీప్రాంతం వొరోనెజ్‌లో ఇలాంటి ఉడుతలు బోలెడు కనిపిస్తాయి.
