శుక్రవారం కాలిఫోర్నియాలోని మొజావే ఎడారి వద్ద ‘స్పేస్‌షిప్‌టూ’ అంతరిక్ష పర్యాటక విమానాన్ని వర్జిన్ గెలాక్టిక్ కంపెనీ పరీక్షిస్తున్న దృశ్యమిది. తొలుత పెద్దగా ఉన్న ‘వైట్‌నైట్‌టూ’ విమానానికి అనుసంధానమై 13.7 కి.మీ. ఎత్తుకు చేరిన తర్వాత స్పేస్‌షిప్‌టూ విడిపోయింది. ఆ తర్వాత రాకెట్ ఇంజన్‌ను మండించి ధ్వనివేగానికి మూడున్నర రెట్లు.. గంటకు 4,184 కి.మీ. వేగంతో విమానాన్ని నడపడంతో కొన్ని సెకన్లకే ముక్కలుచెక్కలుగా పేలిపోయింది.
ఈ ప్రమాదంలో ఒక పైలట్ మృతిచెందగా, తీవ్రంగా గాయపడిన మరో పైలట్ పారాచూట్ సాయంతో కిందికి చేరుకున్నారు.
