రక్కా, మొసుల్ పట్టణాల్లో ఇస్లామిక్ స్టేట్ ఉగ్రవాదులకు ఇటీవల సంకీర్ణ బలగాల చేతిలో గట్టి ఎదురుదెబ్బలు తగిలాయి. ఈ నేపథ్యంలో వారు డమాస్కస్లో తమ ప్రాబల్యాన్ని పెంచుకునే పనిలో పడినట్లు తెలుస్తోంది. డమాస్కస్లో తమ పాలనకు సంబంధించిన కొన్ని ఫోటోలను తాజాగా ఇస్లామిక్ స్టేట్ ఉగ్రవాద సంస్థ పబ్లిష్ చేసింది. ఈ ఫోటోల్లో కొన్ని ఐఎస్ ఉగ్రవాదులు అమలు చేస్తున్న క్రూరమైన శిక్షలతో పాటు.. వారి ఆంక్షలకు సంబంధించినవి ఉన్నాయి.
హోమో సెక్సువల్ నేరానికి పాల్పడినందుకు గాను ఓ వ్యక్తిని బిల్డింగ్ మీద నుంచి తోసివేసిన ఫోటోతో పాటు.. ఓ ముసుగువేసిన ఖైదీని మోకాళ్లపై కూర్చోబెట్టి షూట్ చేసిన ఫోటోలు ఇప్పుడు సోషల్ మీడియాలో కలకలం రేపుతున్నాయి. అలాగే టీషర్ట్లపై ఉన్న బ్రాండ్ లోగోలను తొలగిస్తూ, ప్యాంటు పొడవు కొలతలు చూస్తూ వారు విధించిన ఆంక్షలకు సంబంధించిన ఫోటోలు ఐఎస్ఐఎస్ విడుదల చేసింది.
