వాషింగ్టన్: అగ్రరాజ్యంలో కరోనా పాజిటివ్ కేసులు రోజురోజుకు విజృంభిస్తున్నాయి. అయితే దీనిని అడ్డుకోవడానికి మాస్క్ పెట్టుకోవడం ఒక మార్గం అని అమెరికా అధ్యక్షుడు డొనాల్డ్ ట్రంప్ నమ్ముతున్నారని, అది ఆయన వ్యక్తిగతమని వైట్ హౌస్ ప్రెస్ సెక్రటరీ కైలీ మెక్ ఎనానీ సోమవారం తెలిపారు. ఫోర్లిడాలోని జాక్సన్విల్లేలో మాస్క్లు తప్పని సరిగా ధరించాలి అనే నిబంధనపై ఆమె మాట్లాడుతూ, ‘అది ఆయన వ్యక్తిగతమైన నిర్ణయం. మాస్క్ ధరించడం, ధరించకపోవడం అది వారి ఇష్టం అని సమాధానమిచ్చారు. వారి భద్రతకు సంబంధించి ప్రజలు ఎలాంటి చర్యలు తీసుకున్నా ట్రంప్ వాటిని ప్రోత్సహిస్తారని ఆమె తెలిపారు. మాస్క్లు ధరించడంలో ట్రంప్కు ఎలాంటి అభ్యంతరం లేదని, స్థానిక చట్టాల్ని గౌరవిస్తానని ట్రంప్ తనతో చెప్పారని మెక్ ఎనానీ తెలిపారు.