మాది ప్రత్యేక అనుబంధం; ట్రంప్‌

25 Apr, 2018 16:46 IST|Sakshi
మాక్రాన్‌ కోటు కాలర్‌ మీద ఉన్న డాండ్రఫ్‌ను తుడుస్తున్న ట్రంప్‌

వాషింగ్టన్‌ : అమెరికా అధ్యక్షుడు డొనాల్డ్‌ ట్రంప్‌ వివాదాస్పద వ్యాఖ్యలతోనే కాదు అప్పుడప్పుడు వింత చేష్టలు చేసి కూడా వార్తల్లో నిలుస్తారు. ప్రస్తుతం ట్రంప్‌ చేసిన ఒక వింత పనికి సంబంధించిన ఫోటోలు నెటిజన్లను విపరీతంగా ఆకర్షిస్తున్నాయి. ఈ ఫోటోల్లో ట్రంప్‌... ఫ్రెంచ్‌ అధ్యక్షుడు మాక్రాన్‌ కోటు కాలర్‌ మీద ఉన్న డాండ్రఫ్‌ను తొలగిస్తున్నారు. ఈ పని అందరికి ఆశ్చర్యాన్ని కలిగించింది. ఈ ఆసక్తికర సంఘటన మంగళవారం చోటుచేసుకుంది.

ఇంతకు విషయం ఏంటంటే ట్రంప్‌ అధికారం చేపట్టిన 15 నెలల తరువాత ఫ్రెంచ్‌ అధ్యక్షుడు మాక్రన్‌ అమెరికాను సందర్శించారు. ఈ సందర్భంగా అధ్యక్ష భవనంలోని ఓవల్‌ కార్యాలయంలో ఒక సమావేశాన్ని నిర్వహించారు. ఆ సమయంలో అమెరికా అధ్యక్షుడు, ఫ్రెంచ్‌ అధ్యక్షుడి కోటు కాలర్‌ మీద ఉన్న డాండ్రఫ్‌ను తొలగిస్తున్న దృశ్యాలు కెమెరా కంటికి చిక్కాయి. ఆ నేపథ్యంలో ట్రంప్‌ మాట్లాడుతూ...  ‘మా మధ్య ప్రత్యేక అనుబంధం ఉంది, మేము అతన్ని పర్ఫెక్ట్‌గా ఉంచాలి...అతను పర్ఫెక్ట్‌గా ఉన్నాడ’ని తెలిపారు. 

Read latest International News and Telugu News
Follow us on FaceBook, Twitter, Instagram, YouTube
తాజా సమాచారం కోసం      లోడ్ చేసుకోండి
మరిన్ని వార్తలు