వాషింగ్టన్: కేన్సర్‌పై పోరాడేందుకు తులసి మొక్కలోని ఔషధ గుణాలను మరింత పెంపొందించే దిశగా భారత సంతతి శాస్త్రవేత్త చంద్రకాంత్ ఏమాని ఆధ్వర్యంలో అమెరికా శాస్త్రవేత్తలు పరిశోధన చేస్తున్నారు. తులసిలోని ‘యూజెనాల్’ అనే ఔషధం మరింత ఎక్కువగా ఉత్పత్తయ్యేలా జన్యుపరంగా మార్పులు (జెనిటికల్ ఇంజనీరింగ్) చేస్తున్నారు. తులసిలో లభించే ‘యూజెనాల్’కు వైద్య పరంగా ఎంతో ప్రాముఖ్యం ఉంది. బ్రెస్ట్ కేన్సర్‌తో పాటు మరెన్నో వ్యాధుల నివారణకు ఈ రసాయనం తోడ్పడుతుంది. అందువల్ల ‘యూజెనాల్’ను మరింత ఎక్కువగా జన్యుపరంగా మార్పులు చేస్తున్నట్లు చంద్రకాంత్ పేర్కొన్నారు.
