అతడి రూపంలో ఆమెకు నవ్వు దగ్గరైంది

16 Oct, 2019 17:02 IST|Sakshi

ఆంగ్‌సాన్ సూకీ అనగానే రాజకీయాలు, ఉద్యమాలు, సిద్ధాంతాలు మాత్రమే గుర్తుకు వచ్చే వారికి... రెబెకా ఫ్రాన్ రాసిన ‘ది అన్‌టోల్డ్ లవ్‌స్టోరీ ఆఫ్ ఆంగ్ సాన్ సూకీ’ వ్యాసం చదివితే, ఆమెలోని మరో కోణం, ఆమె ప్రేమ లోతు తెలుస్తాయి. ఆమెది తూర్పు. అతడిది పశ్చిమం. అయినా ఇద్దరిదీ ఒకే ప్రపంచమయ్యింది. ఎందుకంటే... ఎక్కడైనా నిబంధనలు వర్తిసాయి గానీ, ప్రేమలో మాత్రం వర్తించవు. ప్రేమలో ఎప్పటికప్పుడు సరికొత్త నిబంధనలు పుట్టి కొత్త బంధాలను పరిచయం చేస్తాయి. ప్రేమ గట్టిదైతే తూర్పూపడమరలు సైతం ఇలాగే ఏకమవుతాయి! జీవితం అంటే... రోజూ పాలిటిక్స్, ఫిలాసఫీ, ఎకనమిక్స్ క్లాసులు బుద్ధిగా వినడమే అన్నట్లుండేది, ఆక్స్‌ఫర్డ్‌ యూనివర్శిటీలో చదువుతోన్న సూకీకి. అలాంటి సమయంలో తన గార్డియన్ లార్డ్ గోర్ ద్వారా ఇంగ్లండ్ కుర్రాడు మైఖేల్ ఓరీస్ ఆమెకు పరిచయమయ్యాడు. ‘మనం బతకడానికి ఆహారం మాత్రమే సరిపోదు... హాస్యం కూడా అవసరం’ అని తన డైరీలో ఒకసారి రాసుకుంది సూకీ. దురదృష్టమేమిటంటే నవ్వే పరిస్థితి గానీ, ఇతరులను నవ్వించే అవకాశం గానీ అంతవరకూ ఆమెకు రాలేదు.

కానీ మైఖేల్ వచ్చాకే అవన్నీ జరిగాయి. అతడి రూపంలో నవ్వు ఆమెకు దగ్గరైంది. అతడి హాస్యంతో పొట్ట చెక్క లయ్యేలా నవ్వేది సూచీ. అంతకు ముందెప్పుడూ ఒంటరిగా కనిపించే ఆమె... మైఖేల్‌తో కనిపించసాగింది. ఎప్పుడూ మౌనంగా ఉండేది... నవ్వుల వెన్నెల్లో విహరించసాగింది. అంతగా ఆమె జీవితాన్ని మార్చింది మైఖేల్ రాక. ఒకరోజు ఆక్స్‌ఫర్డ్ యూనివర్శిటీ పార్క్‌లో... ‘‘నేను నిన్ను పెళ్లి చేసుకోవాలనుకుంటున్నాను’’ అని ప్రపోజ్ చేశాడు మైఖేల్. ఆమె నుంచి ఎలాంటి స్పందనా లేదు. చిన్నగా నవ్వి ఊరుకుంది. ‘‘తప్పుగా మాట్లాడితే క్షమించు’’  అన్నాడు మైఖేల్. కొద్దిసేపటి తరువాత మౌనం వీడింది సూకీ. ‘‘నేను నా దేశం కోసం బతుకుతున్నాను. అక్కడి నుంచి ఏ క్షణం పిలుపు వచ్చినా రెక్కలు కట్టుకొని వెళతాను. నీకు సమ్మతమేనా?’’ అంది. ‘‘ఏదైనా చేసే స్వేచ్ఛ నీకుంది. నువ్వు నాతో ఉన్నా.. లేకపోయినా.. నా మనసులో మాత్రం ఎప్పుడూ ఉంటావు’’ అన్నాడు మైఖేల్. ఆ మాటలు సూకీకి నచ్చాయి. అక్కడికక్కడే  గ్రీన్‌సిగ్నల్‌ ఇచ్చింది.

భర్త, బాబుతో ఆంగ్‌సాన్‌ సూకీ
మైఖేల్‌కి భార్య అయ్యింది. పెళ్లి చేసుకుని ఓ కొత్త ప్రపంచంలోకి అడుగుపెట్టింది. సాధారణ గృహిణిలాగే వంట చేయడం నుంచి ఇల్లు శుభ్రం చేయడం వరకు అన్నీ చేయ సాగింది. పిల్లలు (అలెగ్జాండర్, కిమ్) ఆమె పంచప్రాణాలు. ‘గృహమే కదా స్వర్గసీమ’ అనుకునేంత ఆనందం!  అంతలోనే తల్లి ఆరోగ్యం బాలేదని మయన్మార్ నుంచి సూకీకి ఫోన్ కాల్. ‘‘అక్కడి పరిస్థితులు కల్లోలంగా ఉన్నాయి. ఇప్పుడు వెళ్లడం మంచిది కాదేమో’’ అన్నారు సన్నిహితులు. భయానికి ఆమె ఎప్పుడు భయపడింది గనుక! వెంటనే బయలుదేరింది. తల్లిని చూడ్డానికి హాస్పిటల్‌కి వెళ్లింది. అక్కడ మిలిటరీ పాలకుల రాక్షసత్వానికి బలైన బాధితులను, శవాలుగా పడి ఉన్న విద్యార్థులను చూసి కదిలిపోయింది. మహా నాయకుడు ఆంగ్‌సాన్ కుమార్తె సూకీ వచ్చిందని తెలిసి ఎక్కడెక్కడి నుంచో జనాలు రావడంతో రంగూన్ హాస్పిటల్ కాస్తా జనసముద్రం అయింది! ‘‘అమ్మా!... ఇక్కడి పరిస్థితులను చూస్తున్నావు కదా... నీ నాయకత్వం  ఈ దేశానికి అవసరం’’ అని  సూకీని కలిసిన విద్యావేత్తలు అన్నారు.

వెంటనే సరే అంది. అంతవరకూ సాధారణ గృహిణిగా ఉన్న ఆమె, ప్రజాస్వామిక ఉద్యమంలో బలమైన నాయకురాలిగా మారింది. ఇవన్నీ చూసి భయపడిపోయాడు మైఖేల్. తండ్రిని చంపినట్టే ఆమెనూ చంపేస్తారేమోననే దిగులు పట్టుకుంది అతడికి. అయినా భార్యకు అడ్డు చెప్ప లేదు. చెప్పడు కూడా. ఎందుకంటే, ఆమె ఆలోచనలను గౌరవిస్తాడు. ఆమె లక్ష్యాలకు అనుగుణంగా తాను జీవిస్తాడు. అంతగా తనను ప్రేమిస్తున్నాడు. అందుకే తన భయాన్ని తనలోనే అణచుకుని ఆమెకు తోడుగా నిలిచాడు. అయితే తర్వాత సూచీ హౌజ్ అరెస్ట్ కావడంతో ఒంటరివాడయ్యాడు. ఆమె జ్ఞాపకాల సుడిలో కొట్టుమిట్టాడాడు. ఆ జ్ఞాపకాలతో జీవిస్తూనే మరణించాడు. ఇప్పుడు ఆయన జ్ఞాపకాలతో సూకీ జీవిస్తున్నారు. లక్ష్యం కోసం వ్యక్తిగత జీవితాన్ని త్యాగం చేసిన ఆమె, ఆమె కోసం తన సంతోషాన్ని వదులుకున్న ఆయన... ఇంతకన్నా గొప్ప ప్రేమ ఉంటుందా!                        
- యాకూబ్ పాషా


లేదా worldoflove@sakshi.comకు మెయిల్‌ చేయండి

Read latest Lifestyle News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి

Load Comments
Hide Comments
మరిన్ని వార్తలు

29 ఏళ్లకే నూరేళ్లు నిండిన ప్రేమ

ఆ రోజు ధైర్యం చేసుంటే ఇలా అయ్యిండేది కాదు!

లెక్చరర్‌ నాకు ప్రపోజ్‌ చేశాడు!

ప్రేమలో ఫెయిల్‌ అయ్యారా? ఇలా చేయండి!

నేను ఆమెను ఇబ్బంది పెట్టదలుచుకోలేదు

ప్రేయసికి స్నేహితుడితో పెళ్లని తెలిసినా..

మోసం చేశాడు.. అంత అర్హత లేదు

భర్త ప్రాణాల కోసం సింహంతో పోరాడి..

ఆయన ఎప్పుడూ ఐ లవ్‌ యూ చెప్పరు

అందుకే మగాళ్లు తరచు మోసాలకు..

ఆమె బార్‌ గాళ్‌గా పనిచేయటం చూడలేక..

చావు కూడా ఆ ప్రేమికుల్ని విడదీయలేకపోయింది..

తను ఎంతలా ప్రేమించిందంటే నా కోసం..

నీలాంటి వాడు దొరికితే అస్సలు వదులుకోను

నా బ్యాడ్‌లక్‌ ఫేర్‌వెల్‌ క్యాన్సిల్‌ అయ్యింది

ఐ లవ్యూ షాన్. ఐ నీడ్ యూ. నువ్వు లేకుండా..

అలాంటి గీతాలే గాయపడిన మనసుకు...

ప్రేమ ఓడింది... నేను గెలిచాను!

అతడో హంతకుడు.. ఆమె ఓ రచయిత్రి

మీ పార్ట్‌నర్‌ సెల్‌ఫోన్‌ చెక్‌ చేస్తున్నారా?..

ఆ విషయం తెలిసి షాక్‌ అయ్యాను!

అతడి సమాధి ఓ చివరి ప్రేమలేఖలా..

అది అన్ని వేళలా మంచిది కాదు

నేను ప్రేమిస్తున్న అమ్మాయే తన ప్రేమని..

‘ఆరేడుగురితో డేటింగ్‌.. ఇంకో లైఫ్‌ కావాలి’