భారతీయ సినీ చరిత్రలో అత్యంత భారీ బడ్జెట్‌తో ప్రతిష్టాత్మకంగా తెరకెక్కుతున్న భారీ చిత్రం 2.ఓ. రజనీకాంత్‌ హీరోగా శంకర్‌ దర్శకత్వంలో తెరకెక్కిన రోబో కాన్సెప్ట్‌ తో రూపొందుతున్న ఈ సినిమాలో బాలీవుడ్‌ నటుడు అక్షయ్‌కుమార్‌ ప్రతినాయక పాత్రలో నటిస్తున్నాడు. ఇప్పటికే షూటింగ్‌ పూర్తి చేసుకున్న ఈ సినిమా ప్రస్తుతం నిర్మాణాంతర కార్యక్రమాలు జరుపుకుంటోంది. అయితే ముందుగా ఈ సినిమాను 2018 జనవరి 25న రిలీజ్‌ చేయనున్నట్టుగా చిత్రయూనిట్‌ ప్రకటించారు.
#2Point0 release now confirmed on April 13, 2018 as Tamil New Year/Vishu release. Big Summer Release. pic.twitter.com/UQpi2qqcF9
— Sreedhar Pillai (@sri50) 29 October 2017
అయితే భారీ గ్రాఫిక్స్‌తో రూపొందుతున్న ఈ సినిమాకు పోస్ట్‌ ప్రొడక్షన్‌ వర్క్‌ అనుకున్న సమయానికి పూర్తి కాదన్న అనుమానాలు వ్యక్తమవుతున్నాయి. అందుకు తగ్గట్టుగా సినిమా రిలీజ్‌ వాయిదా పడిందన్నవార్తలు కూడా వినిపించాయి. దీంతో వేసవి బరిలో ఉన్న చిత్రనిర్మాతల్లో గుబులు మొదలైంది. కానీ చిత్రయూనిట్‌ మాత్రం వాయిదా విషయంలో ఎలాంటి ప్రకటన చేయలేదు. తాజాగా ప్రముఖ కోలీవుడ్‌ ఎనలిస్ట్‌ శ్రీధర్‌ పిల్లై 2.ఓ ముందుగా ప్రకటించనట్టుగా జనవరి 25నే రిలీజ్‌ అవుతుందంటూ ట్వీట్‌ చేశారు. దీంతో ఈ భారీ చిత్రం రిలీజ్‌ డేట్‌ పై కన్ఫ్యూజన్‌ ఏర్పడింది.
#2PointO Update - As per sources close 2 @LycaProductions, 3D sci-fi thriller is on schedule 4 a Jan 25 Release. Official announcement soon! pic.twitter.com/KavBh5NDUp
— Sreedhar Pillai (@sri50) 31 October 2017
