లండన్: తాను ఓ చెట్టుకింద పెళ్లి చేసుకున్నానని ప్రముఖ హాలీవుడ్ నటి ఆమీ అడమ్స్ చెప్పింది. అందుకు 'ఫారెస్ట్ గంప్' అనే హాలీవుడ్ చిత్రం స్ఫూర్తి అని తెలిపింది. 2015, మే నెలలో ఆడమ్స్ వివాహం హాలీవుడ్ నటుడు డారెన్ లి గాలోతో జరిగింది. వీరిద్దరు అంతకుముందు 2008 నుంచే సహజీవనం ప్రారంభించారు.
తన వివాహం గురించి ఆడమ్స్ మీడియాకు చెబుతూ.. 'ఫారెస్ట్ గంప్ అనే చిత్రాన్ని చూసిన తర్వాత నేను చెట్టుకిందే పెళ్లి చేసుకోవాలని నిర్ణయించుకున్నాను. అది నాకు చాలా ముఖ్యమైంది కూడా. నా బంధువులను, స్నేహితులను అందరిని ఆ చెట్టు కింద గుండ్రంగా కూర్చోబెట్టి అక్కడే పెళ్లి చేసుకున్నాను. తొలుత తన నిర్ణయం తెలుసుకున్నవారంతా గందరగోళం పడిపోయారు. ఆ సినిమా తనపై విపరీతంగా ప్రభావం చూపిందని అనుకున్నారు. కానీ, నాకు ఆ సమయంలో అలా పెళ్లి చేసుకోవడమే సరైనదని అనిపించింది' అని ఆమె చెప్పింది.
