ఎన్టీఆర్ మునిమనవడు, హరికృష్ణ మనవడు, జానకిరామ్ తనయుడు మాస్టర్ ఎన్టీరామారావు నటునిగా పరిచయం కానున్నాడు. జె.వి.ఆర్ దర్శకత్వంలో సి.హెచ్.వెంకటేశ్వరరావు, జె.బాలరాజు కలిసి పూర్తిస్థాయి బాలలతో నిర్మించనున్న ‘దానవీరశూరకర్ణ’ చిత్రం కోసం నిర్వహించిన టాలెంట్ హంట్‌లో విజేతగా నిలిచి ఈ చిన్ని ఎన్టీఆర్ శ్రీకృష్ణుడి పాత్రను దక్కించుకున్నాడు.
తమ చిత్రం ద్వారా మాస్టర్ ఎన్టీఆర్ పరిచయం కావడం ఆనందంగా ఉందనీ, పిల్లలకు మంచి శిక్షణ ఇచ్చి తగు సమయం తీసుకొని ఈ సినిమా చేస్తామనీ దర్శక, నిర్మాతలు తెలిపారు. ఈ చిత్రానికి కెమెరా: ఎన్.సుధాకరరెడ్డి, నిర్వాణ నిర్వహణ: కాజా సూర్యనారాయణ.
