వినూత్న సినిమాలను ప్రేక్షకులకు ఇవ్వాలనుకుంటారు దర్శకుడు సుకుమార్. అందుకే ‘వన్ సైడ్ లవ్’ అనే కాన్సెప్ట్ను ‘ఆర్య’ సినిమాతో అల్లు అర్జున్ ద్వారా చెప్పారు. హీరోలో కూడా నెగటివ్ షేడ్స్ ఉండొచ్చని ‘ఆర్య 2’లో చూపించారు. అందులోనూ అల్లు అర్జునే హీరో. ఈ రెండు చిత్రాలతో బన్నీ (అల్లు అర్జున్), సుక్కూ (సుకుమార్) కాంబినేషన్ అంటేనే సమ్థింగ్ స్పెషల్ అని ఫిక్స్ అయిపోయారు. తాజాగా ఈ కాంబినేషన్ వన్స్మోర్ రిపీట్ కానుంది.
బన్నీ, సుక్కూ ముచ్చటగా మూడో సినిమా చేయడానికి రంగం సిద్ధం చేసుకున్నారు. మహాశివరాత్రి స్పెషల్గా ఈ విషయాన్ని అధికారికంగా ప్రకటించారు. మైత్రీ మూవీస్ బ్యానÆŠపై నవీన్ యర్నేని, రవిశంకర్, మోహన్ చెరుకూరి‡ నిర్మించనున్నారు. ప్రస్తుతం త్రివిక్రమ్ శ్రీనివాస్ దర్శకత్వంలో సినిమా చేస్తున్నారు అల్లు అర్జున్. ఆ సినిమా పూర్తయిన తర్వాత సుకుమార్ సినిమాలు పట్టాలెక్కనుంది. ఈ సినిమా ‘ఆర్య’ సిరీస్కు సీక్వెల్గా ‘ఆర్య 3’ అవుతుందా? లేక కొత్త కథతో వస్తారా? వేచి చూడాలి.