ఓ ప్రేమకథ

5 Oct, 2018 00:18 IST|Sakshi
విరాజ్, కె.ఎల్‌.ఎన్‌. రాజు, శేఖర్‌ కమ్ముల, ప్రతాప్‌

విరాజ్‌ జె.అశ్విన్‌ హీరోగా, రిద్ధి కుమార్, రాధా బంగారు హీరోయిన్లుగా టి.ప్రతాప్‌ దర్శకత్వంలో తెరకెక్కిన చిత్రం ‘అనగనగా ఓ ప్రేమకథ’. కె. సతీష్‌ కుమార్‌ సమర్పణలో ప్రముఖ ఫైనాన్షియర్‌ కె.ఎల్‌.ఎన్‌.రాజు నిర్మించిన ఈ సినిమా టైటిల్‌ సాంగ్‌ను ప్రముఖ దర్శకుడు శేఖర్‌ కమ్ముల విడుదల చేశారు. అనంతరం శేఖర్‌ కమ్ముల మాట్లాడుతూ– ‘‘ఈ సినిమా టైటిల్‌ సాంగ్‌ సాహిత్యం, సంగీతం చాలా బాగున్నాయి.

ఎడిటర్‌ మార్తాండ్‌ కె.వెంకటేష్‌గారితో నేను చాలా సినిమాలు చేశా. ఈ సినిమా ద్వారా హీరోగా పరిచయం అవుతున్న ఆయన మేనల్లుడు విరాజ్‌ అశ్విన్‌ మంచి కథానాయకుడు అవుతాడు. ఈ సినిమా మంచి హిట్‌ అవ్వాలి’’ అన్నారు. ‘‘ప్రస్తుతం నిర్మాణానంతర కార్యక్రమాలు జరుగుతున్నాయి. ఈ నెలలోనే సినిమా విడుదలకు సన్నాహాలు చేస్తున్నాం’’ అన్నారు కె.ఎల్‌.ఎన్‌.రాజు.

మరిన్ని వార్తలు