‘ఆచార్య’లో అనసూయ.. చరణ్‌తో?

5 May, 2020 11:42 IST|Sakshi

మెగాస్టార్‌ చిరంజీవి హీరోగా కొరటాల శివ దర్శకత్వంలో తెరకెక్కుతున్న చిత్రం ‘ఆచార్య’. కాజల్‌ హీరోయిన్‌గా నటిస్తున్న ఈ చిత్ర షూటింగ్‌ దాదాపు సగానికిపైగా పూర్తయింది. కరోనా లాక్‌డౌన్‌ కారణంగా ఈ చిత్ర షూటింగ్‌ వాయిదా పడినా ‘ఆచార్య’కు సంబంధించిన వార్తలను లీకువీరులు సోషల్‌ మీడియాలో వైరల్‌ చేస్తున్నారు. ఈ సినిమాలో చిరంజీవి-రెజీనాల మధ్య వచ్చే స్పెషల్‌ సాంగ్‌ అదిరిపోతుందని, ఈ పాటకు చిరు స్టెప్పులు మాములుగా ఉండవని అంటున్నారు. 

ఇక ఈ సినిమాలో రామ్‌చరణ్‌ ఓ కీలక పాత్ర పోషించనున్నాడు. అయితే చరణ్‌ ఎపిసోడ్‌లో కూడా ఓ స్పెషల్‌ సాంగ్‌కు డైరెక్టర్‌ ప్లాన్‌ చేసినట్లు తెలుస్తోంది. ఈ స్పెషల్‌ సాంగ్‌లో చరణ్‌తో అనసూయ ఆడిపాడనుందని టాలీవుడ్‌ టాక్‌. రంగస్థలంలో చరణ్‌, అనసూయల మధ్య వచ్చే సీన్స్‌ ఎంత హైలెట్‌ అయ్యాయో ప్రత్యేకంగా చెప్పక్కర్లేదు. ‘ఆచార్య’లో కూడా వీరిద్దరి మధ్య వచ్చే సీన్స్‌ మామూలుగా ఉండవని లీకువీరులు అంటున్నారు. అంతేకాకుండా ఈ చిత్రంలో మెగా డాటర్‌ నిహారిక ఓ చిన్నిపాటి పాత్రలో మెరవనుందని సమాచారం. మ్యాటినీ ఎంటర్‌ టైన్‌మెంట్‌, కొనిదల ప్రొడక్షన్‌ బ్యానర్స్‌పై రామ్‌ చరణ్‌, నిరంజన్‌ రెడ్డి నిర్మిస్తున్న ఈ చిత్రానికి మణిశర్మ సంగీతమందిస్తున్నాడు. 

చదవండి:
రూట్‌ మార్చిన ‘కుమారి’
‘మీరెవరు నన్ను అడగడానికి.. అది నా ఇష్టం’

Read latest Movies News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా