‘ఎఫ్‌ 2’ డైరెక్టర్‌కు భారీ ఆఫర్‌!

4 Apr, 2019 11:38 IST|Sakshi

సినిమా ఇండస్ట్రీ ఎప్పుడూ సక్సెస్‌ వెంటే పరిగెడుతుంది. అందుకే బిగ్‌ హిట్ ఇచ్చిన దర్శకుడితో కలిసి పనిచేసుందుకు స్టార్‌ హీరోలు కూడా ఇంట్రస్ట్ చూపిస్తుంటారు. అలాంటి ఓ గోల్డెన్‌ ఆఫర్‌ను అందుకున్నాడు యంగ్ డైరెక్టర్‌ అనిల్‌ రావిపూడి. పటాస్‌, సుప్రీమ్‌, రాజా ది గ్రేట్‌, ఎఫ్ 2 సినిమాల సక్సెస్‌తో ఏకంగా సూపర్‌ స్టార్‌నే డైరెక్ట్ చేసే ఛాన్స్‌ కొట్టేశాడు.

ఇప్పటికే మహేష్‌ బాబు, అనిల్‌ కాంబినేషన్‌లో సినిమా ఓకె అయ్యింది. అంతేకాదు ఈ సినిమాకు అనిల్‌ పది కోట్లకు పైగా పారితోషికం అందుకుంటున్నట్టు ప్రచారం జరుగుతోంది. మహేష్ సినిమా అంటే వందకోట్ల బిజినెస్‌ ఈజీగా జరుగుతుంది, ఆ ధైర్యంతోనే నిర్మాత అనిల్‌ సుంకర దర్శకుడికి భారీ మొత్తాన్ని ఆఫర్ చేశారన్న టాక్‌ వినిపిస్తోంది. ప్రస్తుతం మహర్షి సినిమా పనుల్లో బిజీగా ఉన్న మహేష్ ఆ సినిమా పూర్తయిన వెంటనే అనిల్‌ రావిపూడి సినిమాను పట్టాలెక్కించే అవకాశం ఉంది.

Read latest Movies News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా