ప్రస్తుతం కేన్సర్‌ చికిత్స పొందుతూ సోనాలీ బింద్రే లండన్‌లో ఉన్నారు. అప్పుడుడప్పుడు ఆమె ఫ్రెండ్స్‌ ఆమెను చూడటానికి వెళ్తూనే ఉన్నారు. రీసెంట్‌గా సోనాలీకి అనుపమ్‌ ఖేర్‌ వీకెండ్స్‌లో కంపెనీ ఇస్తున్నారట. అమెరికన్‌ టీవీ సిరీస్‌లో యాక్ట్‌ చేస్తున్నారు అనుపమ్‌. ఆ షూటింగ్‌ నిమిత్తం అక్కడున్నారాయన. ఈ విషయాన్ని తెలియజేస్తూ – ‘‘ఈ షో వల్ల ఇక్కడ నాకో స్నేహితుడు దొరికాడు. మనలో ఎవ్వరు ఫస్ట్‌ ఇంటికి వెళ్లిపోతామో అని మాట్లాడుకుంటూ ఉంటాం. అతని కంటే నేనే ముందు వెళ్లిపోవాలని కోరుకుంటున్నాను. అనుపమ్‌ షోకి ఎక్కువ సీజన్స్‌ ఉండి తను ఇక్కడే ఉండిపోవాలి’’ అని పేర్కొన్నారు సోనాలి.
