‘అనుష్క పెళ్లి చేసుకోబోతున్నారు. ఆమెకు అరుంధతి నక్షత్రం చూపే వరుడు దొరికేశాడు. త్వరలోనే పెళ్లి కబురు చెబుతారు’ అంటూ ఎప్పటికప్పుడు వార్తలు హల్‌చల్‌ చేస్తూనే ఉంటాయి. తాజాగా మరోసారి అనుష్క పెళ్లి వార్తలకు సంబంధించిన చర్చ మొదలయింది. ‘ప్రస్తుతం అనుష్క ఓ క్రికెటర్‌తో డేటింగ్‌ చేస్తున్నారని, త్వరలోనే వివాహం చేసుకోబోతున్నారు’ అనే వార్త సోషల్ మీడియాలో తిరుగుతోంది. అనుష్క పెళ్లి చేసుకోబోయే క్రికెటర్‌ నార్త్‌ ఇండియాకు చెందినవారని, ప్రస్తుతం సౌత్‌లో రంజీ మ్యాచ్‌ లు ఆడుతున్నారని ఆ వార్తల సారాంశం. మరి ఈ వార్తను అనుష్క నిజం చేస్తారా? వేచి చూడాలి. గతంలో అనుష్క, ప్రభాస్‌ పెళ్లి చేసుకోబోతున్నారనే వార్త కూడా చాలా రోజులు తిరిగిన సంగతి తెలిసిందే. ఇదిలా ఉంటే అనుష్క నటించిన ‘నిశ్శబ్దం’ ఏప్రిల్‌ 2న విడుదల కానుంది.
