జరిగింది ఏమిటి?

13 Jan, 2019 00:34 IST|Sakshi
పోస్టర్‌ ఆవిష్కరించిన సంతోష్‌కుమార్‌తో మహావీర్, నీలిమ

శ్రీరాం హీరోగా తెరకెక్కనున్న చిత్రం ‘అసలేం జరిగింది?’. ఎన్‌వీఆర్‌ దర్శకత్వంలో రూపొందనున్న ఈ సినిమాను నీలిమ నిర్మించనున్నారు. శనివారం ఈ చిత్రం పోస్టర్‌ను విడుదల చేసిన ఎంపీ సంతోష్‌ కుమార్‌ మాట్లాడుతూ– ‘‘తెలంగాణలో ఇంతవరకు ఎవరూ తీయని లొకేషన్స్‌లో యూనిట్‌ ఈ సినిమాను చిత్రీకరించాలనుకోవడం అభినందనీయం. లొకేషన్స్‌ అన్వేషణ కోసం  టీమ్‌ 6 నెలల పాటు కష్టపడ్డారు. ఈ చిత్రంతో దర్శకుడిగా పరిచయం అవుతున్న కెమెరామేన్‌ ఎన్‌వీఆర్‌కు శుభాకాంక్షలు.

ఈ చిత్రం విజయవంతమై, యూనిట్‌కి మంచి పేరు రావాలి’’ అన్నారు. ‘‘వచ్చే నెల 11న షూటింగ్‌ స్టార్ట్‌ అవుతుంది. రెండు షెడ్యూల్స్‌లో చిత్రీకరణ పూర్తి చేయాలనుకుంటున్నాం. రామ్‌గోపాల్‌వర్మ ‘భైరవగీత’ చిత్రంలో విలన్‌గా నటించిన విజయ్‌ రామ్‌ ఈ సినిమాలో కూడా విలన్‌గా నటిస్తారు. మహావీర్‌ సంగీతం అందిస్తారు. ఈ చిత్రానికి నెర్రపల్లి వాసు కథ అందించారు. అన్ని వర్గాల వారినీ ఆకట్టుకునే కథ ఇది’’ అన్నారు నిర్మాత.

Read latest Movies News and Telugu News
Follow us on FaceBook, Twitter
తాజా సమాచారం కోసం      లోడ్ చేసుకోండి
Load Comments
Hide Comments
మరిన్ని వార్తలు
సినిమా