11 Aug, 2018 12:13 IST|Sakshi

నందమూరి బాలకృష్ణ హీరోగా వినాయక్‌ దర్శకత్వంలో ఓ సినిమా ఉంటుందని చాలా రోజులుగా ప్రచారం జరుగుతోంది. సి కళ్యాణ్‌.. ఈ కాంబినేషన్‌లో మరోసారి తెర మీదకు తెచ్చేందుకు ప్లాన్‌ చేశారు. జై సింహా తరువాత వినాయక్‌ సినిమానే సెట్స్‌ మీదకు వస్తుందని భావించినా.. బాలయ్య మాత్రం ఎన్టీఆర్‌ బయోపిక్ పనుల్లో బిజీ అయ్యారు.

దీంతో వినాయక్‌, బాలకృష్ణ ల సినిమా ఆగిపోయినట్టే అన్న టాక్ వినిపించింది. అయితే తాజా సమాచారం ప్రకారం బాలయ్యతో చేయబోయే సినిమాకు వినాయక్‌ స్క్రిప్ట్ రెడీ చేస్తున్నట్టుగా తెలుస్తోంది. ‘ఎన్టీఆర్’ పూర్తయిన వెంటనే వినాయక్ దర్శకత్వంలో నటించేందుకు బాలకృష్ణ ఓకె చెప్పారట. అయితే ఈ ప్రాజెక్ట్‌పై అధికారిక ప్రకటన వెలువడాల్సి ఉంది.

మరిన్ని వార్తలు