కుర్ర హీరోలకు పోటి ఇస్తూ వరుస సినిమాలతో బిజీ అవుతున్నారు నందమూరి బాలకృష్ణ. ఇప్పటికే ఎన్టీఆర్‌ సినిమాను ప్రారంభించిన బాలయ్య, దర్శకుడు తేజ ప్రాజెక్ట్‌ నుంచి తప్పుకోవటంతో ఆ చిత్ర షూటింగ్‌ను తాత్కాలికంగా పక్కకు పెట్టారు. ఈ గ్యాప్‌లో వినాయక్‌ దర్శకత్వంలో ఓ సినిమా చేసేందుకు రెడీ అవుతున్నారు బాలకృష్ణ.
అంతేకాదు తనకు సింహా, లెజెండ్‌ లాంటి ఘనవిజయాలను అందించిన బోయపాటి శ్రీను దర్శకత్వంలోనూ ఓ సినిమాను ప్రారంభించనున్నారట. ఈ సినిమాను బాలయ్య పుట్టిన రోజు సందర్భంగా జూన్‌ 10న ప్రారంభించేందుకు ఏర్పాట్లు చేస్తున్నారు. ఈ సినిమాను బాలయ్య స్వయంగా ఎన్‌.బి.కె ఫిలింస్‌ బ్యానర్‌పై నిర్మించే అవకాశమున్నట్టుగా తెలుస్తోంది. ఎన్టీఆర్‌ బయోపిక్‌ను కూడా బాలయ్య స్వయంగా నిర్మిస్తున్న విషయం తెలిసిందే.
